2004年2月16日 星期一
今朝8點幾就俾雙雙既電話嘈醒,佢話10點前去到Nathan拎Package,咁我就起身梳洗換衫,半個鐘頭後就出門口啦,先去到雙雙屋企接佢同阿King,之後去埋Erica屋企接佢,佢一出黎就真係爆嚇鬼,之後我地就去Nathan,去到坐陣無耐就見到餅乾同佢既老友,我地就係個Hall度聽野,爆悶,聽到11點我同Erica同雙雙就先後出左去行,之後就開始派野啦,我唔知原來有Offer Letter就可以拎,所以我冇叫到阿kit同達達起身,但係當我一知我就即刻打電話叫佢地啦,真係唔好意思.........11點姆阿kit同達達都黎到,我地一行人拎完野之後,我就車kitkit出City,達達就車其他人去Sunnybank,出到City,我同kitkit先去General Pants,因為阿kit要換野,之後就行左陣,去Bank整咭同買Phone Card。之後我地就返去Sunnybank,阿kit去agent度攪入Uni野,冇耐雙雙同Erica過左黎,因為雙雙佢留左把遮係我架車度,之後就車左佢兩個去Erica屋企,我同kitkit就返屋企,返到去我地兩個打三國無雙,打到4點幾就出去Sunnybank Join埋二號,因為今晚幫個同事Claire攪Fairwell,因為佢聽日要過Melbourne讀書,去到爆悶同爆無聊,我同阿kit同二號你眼望我眼,玩到9點幾就返屋企,返到去雙雙打黎話佢同阿峰同餅乾同賤Pat係Super 8唱緊k,我要俾返D野三個男仔,所以就過左去8仔啦,聽日阿峰又係要去Melbourne讀書,去到坐左陣唱左陣k,12點因為我聽日要返工就走啦,佢地都一齊走,我先車左三寶返屋企之後,再車埋雙雙,之後入埋油就返屋企啦。
2004年2月17日 星期三
今朝9點幾就起身返工,返到去都係做返哂所有雜務之後就開舖啦,今朝得80蚊生意,兩點就收工啦,放工就去左K-mark搵雙雙,因為同佢一齊去Nathan拎Enrolment Pack,去到見到雙雙,之後等埋阿King就一齊上Nathan,去到我同雙雙都拎唔到,因為話我地兩個果兩份唔係度,要星期四五先有,我同雙雙就爆無奈咁走啦,之後車埋阿king返Sunnybank,我就返屋企啦,返到去阿kit,達達同達媽就出發去Springwood既Ikea行啦,我地打機打到4點幾又出門口返工啦,今晚有雙雙同我一齊返工,因為佢今晚試工,同熟人返工過既時間特別易過,同雙雙嘻嘻哈哈咁就到收工時候啦,今晚有差唔到300蚊生意,放工雙雙等人車佢返屋企,我就陪佢等啦,之後原本諗住去Sunnybank Hotel搵二號同Yuki飲野,點知佢地就飲完走,所以就返屋企啦,返到去食飯,達媽煲左糖水,之後就睇VCD啦.........................
P.S. 『其實世界上係有好男人 只係女人白白咁讓好男人從身邊走過
然後遇著壞男人既時候就埋怨世上冇好男人...............』
係Adam's Dairy睇到架,好似幾有道理.........
但係當女人遇到好男人既時候,她們往往都不懂得珍惜,佢地係習慣左好男人對佢地好,定係女人根本就係犯賤,一定要『男不壞,女不愛』,難道女人愛上壞男人,才會感受到愛同被愛嗎? 難道一定要失去過,才能夠學懂珍惜?
文章定位：
