尚未設定 尚未設定

43愛的鼓勵 0訂閱站台

2004年2月13日 星期五

琴晚成3點幾先訓,今朝10點幾就俾一個電話嘈醒左,打黎果個係雙雙,原來佢改左電話,唔怪得我琴晚成晚打俾佢都冇人聽,佢收到我send俾佢既message所以打俾我,佢約我下晝食Lunch,咁我就應承左佢,訓多陣就起身沖涼梳洗,問埋達達借車我就出去接雙雙,我先去左舖頭搵返緊工既kitkit,搵左之後就去接雙雙,接完佢之後就去左Sunnybank Market Square果度食Lunch,食完之後就去返搵kitkit,不過佢有約,之後去左搵Erica,之後我地三個去左Nathan(我讀緊果間大學其中一個campus),因為雙雙同Erica都要攪uni既野,之後就返左去Sunnybank果間Coffee Club飲野,飲完野就車Erica返屋企,之後雙雙話去我屋企附近幫佢朋友仔睇屋,去到點知個manager唔係度,咁雙雙就去左我屋企坐啦,坐到差唔多5點幾就車雙雙返屋企,因為人地要玩煮飯仔,而我就返工啦,返黎第一次返工,唔知點解今日爆多人,做到又熱又『閔』,仲好攰,做到9點幾就收工啦,收工前Rachel二號個死八婆黎左,因為今晚約左佢飲野,之後我同kitkit同八婆齊齊返屋企食飯同飲湯,因為auntie煲左湯,哈哈哈哈哈,叫Rachel快D係HongKong返黎跟auntie學下煲湯啊。食完飯就同個八婆出去飲野,之後叫埋雙雙,我就去雙雙屋企接埋佢啦,我地又去左Coffee Club飲野,之後Yuki(Rachel二號既家姐)都黎埋,好耐都冇見過Yuki,傾傾下計途中突然佢地話題轉左去返教會,爆無奈,12點幾,Yuki同二號就返屋企,我就送埋雙雙返屋企之後就返屋企啦,返黎沖完涼打Dairy果陣,kitkit入左黎房,同佢傾左陣計,對kitkit既了解又好似增加左,我都係最鍾意傾心事架啦,嘩哈哈哈哈,今日都算係我返黎咁耐最Busy既一日.........

Joanna︰如果你真係過黎既就梗係好啦,你剩係儲機票錢同過黎你shopping同玩既費用,其他食同住你都唔使擔心架........哈哈哈哈哈哈^______________^