無所事事＠尚未設定｜PChome Online 個人新聞台

2004-02-01 00:34:00| 人氣15| 回應0 | 上一篇 | 下一篇

無所事事

推薦 0 收藏 0 轉貼0 訂閱站台

2004年1月30日星期五

琴晚同Joanna由12點幾傾電話傾到今朝5點幾成6點,我諗今次係我走之前既最後一次,所以我特別珍惜,即使我有時覺得好眼訓,但我都唔想收線.........

今朝11點幾12點先起身,之後就幫Joanna打埋佢既Paper Work,阿媽就打電話黎話下晝約左三姑姐飲茶,叫我兩點前出到大榮華,咁我打完哂之後,就去沖涼同梳洗啦,整埋頭點幾就出去啦,出到去阿媽同姑姐姑丈已經到左,無幾耐老豆都黎埋,一飲就飲到3點幾4點啦,飲完就返屋企,一返到屋企就急不及待咁打機,因為飲完茶我同老豆都覺得好飽,所以叫阿媽唔好煮飯,但係阿媽又餓喎,佢就『丁』返琴晚既飯菜食,之後阿妹返黎話肚餓,阿媽就煲左我最愛既皮蛋瘦肉粥俾阿妹食,但佢又煲左好多,所以阿媽就迫我食,雖然係我最愛,但我真係爆飽,但係阿媽又煮左,一定要食........食完之後,我就行去天耀搵Adam,諗住叫佢拎隻Winning俾我燒,咁我就可以打Winning啦,點知我地又想出元朗行下,就係佢屋企樓下等佢啦,妖,等左半個鐘先落到樓,真係好Q憎等Adam......出到去先去馬會買波,買完William打黎話佢係鐘聲打緊波,我地就去搵佢,搵到佢佢仲打緊,我地就買左花生同啤酒係附近公園坐,之後William打完都黎左,坐左陣,食哂花生,我就撩Adam去『X』打機,不過William成身打波Look,佢就唔去,我同Adam就落去每人『唱』10蚊玩麻雀機,諗住『國事無雙』佢,(即係十三么),點知今晚食唔出喎,不過食左好多舖『四暗刻』,嘩哈哈哈哈哈,Adam就咁就輸左,打完機12點幾成1點就返屋企.....................

我要檢舉

台長：尚未設定

人氣(15) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

尚未設定 尚未設定 43愛的鼓勵 0訂閱站台

無所事事

尚未設定尚未設定
43愛的鼓勵 0訂閱站台