2004年1月21日 星期三
現在是晚上11時35分,依然同平日夜晚一樣,好寧靜,突然睇返哂Joanna寫過既每一篇Dairy,突然就想起我身邊的每一位最親的好朋友,有不同的感覺,雖然最近我係友情上感覺得不進則退,而且在這一群好朋友中發生了很多事,還記得Adam曾經對我說,說我在最近發生的事上好像『不自在』,坦白說這真是我的感覺,不是刻意裝出來的,也許唯一可以給我解釋的是現在所發生的事,我曾經一一嘗透,Adam覺得我們這一群很快就會散,我又何嘗不是想維繫呢? 不過只覺得不是想像中這麼容易,而且我既能力同角色不足夠同不適合去扮演解決者。
Joanna: 正如在你既Dairy咁講:『初時好收埋自已,經我潛移默化下打開了心窗』,坦白講,如果唔係你,我諗我仲未發現同珍惜我身邊原來有一大班老友記,更加唔識點樣去搵人傾訴,所有野都收埋係自己心度。由我第一日識你,我真係無諗過我地會有咁既一日,離離合合,或者就係因為我地一開始就唔係咁如意同經歷左咁多風風雨雨,我地彼此都唔會咁珍惜大家,大概是因禍得福吧! 唔知點解,今次返到黎,真係覺得同你既距離遠左,唔係真係好了解你,我亦為此而唔開心,正如我同你講過,我真係覺得你俾唔到安全感我,我成日都覺得你有一日會離開我,我真係好驚有咁既一日,我真係唔敢想像......同時,我亦都好擔心你,你可以潛移默化咁慢慢打開我收埋自己既心窗,反而,當我既心慢慢被你打開既同時,你自己卻慢慢咁把自己關上,收埋自己,我依家唔係咁想返過去Brisbane,最主要原因係我好擔心你,其實學小白講,你身邊仲有好多好朋友:小白,Sarah,Tammy等,佢地都好關心你,仲有Auntie,你有唔開心都可以同佢地講,呢d係你話我知既,現在的你愈來愈變的唔相信別人同亂諗野,我真係唔想見到你咁,唔想再見到,甚至聽到你唔開心同喊。而且我開始覺得我唔似以前咁當你唔開心果陣可以令到你開心返同笑返,覺得自己好無用。記唔記得你講過唔相信呢個世界有永遠,果陣我真係好想同你講,我唔SURE其他野有冇永遠,但係我可以同你講,點都好,我永遠都會係身邊囉.................
小白: 一直以來,我同你雖然話係同一班人入面玩,但係其實我地之間既contact真係好少好少,往往都係依賴其他人先會傾下計,今次返黎其中令我覺得開心既,就係同你多左contact,正如你自己講,你係一個外冷內熱既人,我都覺得係,以前我成日都覺得同你點玩都好似玩唔熟咁,依家我會希望慢慢我地會愈來愈熟,下次可以唔使再有第三者既參與或者介入,我地都可以contact,傾下電話同出街,哈哈哈哈哈
Joey: 呢群女仔老友黎講,你係一個我最唔擔心既一個,因為我知道你好獨立同好自主既一個,反而有好多野我都係問你同需要你既幫手同啟發,不過同你傾電話有時好似好嚴肅咁,呢個時候真係好想你係香港,因為覺得你既見解同你既說話係有一定既說服力同感染力,我仲記得同你一齊玩同坐公園同係你屋企燒雞翼同坐天台既日子........我諗我好快會打俾你同你傾計架啦,你繼續幸福啦。
Joyce: 都唔知同你仲可以講乜啦,因為要講既都係你走果陣同你講,都係果句啦,要學識自己照顧自己,唔好再發埋D大小姐脾氣同咁任性啦,我地永遠都係最好既朋友。
麟仔: 咁多兄弟入面,同你一齊係最無野煩果個,不過開始覺得大家所追求既愈來愈唔同,有D距離,但係我唔覺得係乜野一回事,因為我唔覺得生活同性格唔岩既係做唔到兄弟,只不過係你比我地任何一個早踏足社會,睇既野同諗既野都唔同,我依然會成日搵你出黎架啦。
Sam Ho: 唔使再理會其他人點諗.自己知道自己做乜就得啦,點都好啦,有乜事做兄弟既實撐你,你需要既實出黎,No Worries.
Adam: 對住你都唔知講乜,我諗你係我搵得最多果一個,但係都唔知你想點,語欲無言,唯有講句:賭少D同慳D使啦。
William: 正如果日係鐘聲同你講一樣,我依然都覺得你需要既係時間,唔好成日都收埋自己係屋企啦,一個人無野做揸住支煙係容易亂諗野,唔好鑽牛角尖啦,唔好再咁自卑,俾返自信自己,如果唔係你會連自尊都輸埋,仲有好多野要你去理,你既前途,你既屋企,特別係你阿媽,點都好啦,今次返黎的確同你friend左,至少我都會主動搵你同一個人上你屋企。
Ivy: 話就話識左你8年,其實同你真係交心做朋友仔只係8個月,都知你忙架啦,不過多謝你主動搵返我同我傾計,當我唔開心果陣就唔訓陪我傾,Thanks,你都係繼續幸福啦,得閒就搵我啦。
KitKit: 你係我係Brisbane最老友果一個,有乜野我都會同你講,你可以話係我係Brisbane既Joanna,不過我冇當你係佢既代替品,因為你同佢好唔同,因為你會話我,好多野同你傾完,雖然唔係即刻有用,有時甚至都幾廢話,但係你係唯一肯聽我講野既人,同埋你都幾明白我,而且同你一齊搵唔到唔開心同煩惱,好彩果陣冇因為你同Michael而同你疏遠,哈哈哈哈哈。點都好啦,Thanks.
Rachel: 如果唔係識阿Kit,我都唔會識你,更加冇諗過會同你一齊住,同你一齊都幾開心,因為你成日都可以俾我寸,同你同居果一個月,令到我地既關係更加further,更加了解左,哈哈哈哈哈,你有乜野就同我講同搵我啦,唔好再忍住啦。
Vivian: 同你相處既時間真係唔多,因為係Brisbane果陣,你留係度既時間,每次都唔夠半年,返到香港你又住得老年咁遠,其實知道你既野唔多,不過感情方面就知得多D,因為你成日同人地鬧交,哈哈哈哈哈,成日都覺得過多幾年我地就完全無contact架啦,你自己諗下啦?
達達: 感覺上好似我地friend左,但係感覺上又好似無咁,不過同你住呢個決定依然都無錯啊,哈哈哈哈哈。
P.S. 好似係度打遺言咁,不過呢個係我對老友記既最新感覺,想打出黎俾大家知,因為我個Dairy係:Here's telling people something they don't know about me........
(從前誰曾燃亮我的心 始終一生在心內逗留................................)
文章定位：
