尚未設定 尚未設定

43愛的鼓勵 0訂閱站台

2004年1月18日 星期日

今日巧賢家姐返番去英國,聽講佢6月會再返香港,唔知我幾時先再見到佢呢?

琴晚兩點幾打完Dairy去訓啦,訓左幾個字,Joanna就打電話俾我,原來佢好update咁睇左我琴晚最新果篇Dairy,知道我好想搵佢,所以佢睇完就即刻打俾我,呆左,哈哈哈哈哈..........我地就係咁開始傾,傾到今朝既7點幾,我地成晚都無訓過,7點幾果陣先收線去訓,因為Joanna諗住訓一陣就落Library溫書同做功課,我就諗住訓到咁上下就出去Join小白同Adam一齊剪髮,不過我9點就俾阿媽叫醒左,因為佢岩放工,佢話今晚做節,叫我幫手『貼門神』同『抹神檯』,攪掂哂就換衫出去搵小白同Adam啦。出到去Adam話佢要遲D喎,所以我就同小白去剪先啦,諗住要等好耐,點知好快就到我啦,剪完之後覺得唔係咁好,灰一灰,我剪完就到小白剪啦,小白話佢仲要焗埋油,叫我唔使等佢,所以我就去左Library搵Joanna。我地兩個就係元朗行左陣街街,哈哈哈哈哈,行到點幾,就諗住返去搵小白,點知小白走左,不過Adam就到左啦,佢出黎係電髮架,我地同Adam係Salon傾左一陣就走啦,而我就陪埋Joanna返去Library之後,我就去拎車搵埋老豆就車返D野俾Vivian啦,終於可以車返俾佢啦,用左三個字就出到去新都會廣場啦,好彩Vivian成家係度行街,俾返野佢之後走啦,我地就去左三姑姐到,因為佢地今晚都會入黎食飯,而且老豆諗住搵姑丈幫佢剪髮,同埋果陣好大雨,諗住接埋姑姐佢地囉........攪到4點幾就返屋企啦,返到去我就頂唔順就訓左啦,訓到六點幾就起身食飯,今晚大伯伯娘都有入黎,食完之後就洗埋D碗就沖淙同打Dairy啦....................

架車姑姐就拎左返屋企,因為佢要用車,所以呢排我都冇車用,今日雖然好攰同好忙,但係都幾開心,嘩哈哈哈哈哈...........................

P.S. 不過今日中間發生左事,但係我地真係無心..........................

Joanna: 我諗緊乜,我琴晚已經完整咁講哂俾你知啦........................

KitKit: 你既野我了解,因為我都試過,只係比你早一個sem試左only.................