尚未設定 尚未設定

43愛的鼓勵 0訂閱站台

2004年1月10日 星期六

琴晚我又訓得唔好,成晚勁醒訓,攪到今日朝早起身連Con都戴唔到...............

今朝八點九就起身啦,因為約左Joanna同佢屋企人飲茶,起身之後就洗頭梳洗啦........我琴晚隱約聽到係約左10點幾既,所以我就好準時咁10點幾就出到鳳琴街間茶樓啦,去到果陣見唔到Joanna佢地喎,就打俾Joanna啦,我仲以為自己聽左時間係12點幾,點知原來佢地未出門口,係我早到左,所以我就買左本新MONDAY就上去搵位啦,之後無耐Joanna阿爸就先黎,我地傾左一陣計之後,Joanna同佢阿媽都黎到啦,再坐多陣,Joanna既家姐都黎左.........我地一飲就飲到12點幾,多謝Auntie今朝請我飲茶,THANKS.....哈哈哈哈哈

之後我同Joanna走先,因為Joanna趕住去自修室,所以我就陪佢行到去Library,Sam Ho都係Library,所以叫左Sam Ho出黎嗲左兩句就走啦,無無聊聊又走左去William屋企啦,去到梗係又打Winning啦,3點幾麟仔打黎話佢又自己放自己工,又撩打波喎,我今日戴左眼鏡,諗住叫佢俾我返屋企換衫換Con都唔俾,4點佢就黎到我地就打啦,我今日打得比琴日更加不知所謂............打到6點幾就叫麟仔車我返屋企沖個涼,之後7點到再揸車出黎啦,出到黎搵左Sam Ho一齊買飯,買完之後上Willam到食,食完又打過Winning,無耐麟仔都上埋黎,之後同佢打...........打到10點幾Sam同William要落去買波,咁就走啦,之後同麟仔同Sam去左屏會街間惠康搵返緊工既Adam,睇下佢收幾點,點知佢話around12點幾,咁我地就齊齊散啦,11點幾就返到屋企,仲睇到總選揭曉最受歡迎男,女歌星,不過個result都係一早expect到,nothing special...........................

P.S. 連續兩日打波,好攰,腳仔軟,仲有我既咳仲未好........唔通有SARS..........? 嘩哈哈哈哈哈.............