尚未設定 尚未設定

43愛的鼓勵 0訂閱站台

2003年12月23日 星期二

琴晚同Joanna傾左個馬拉松式既電話仔,我地傾左成4個幾鐘,哈哈哈哈哈,好耐都未試過啦,久違了,我仲傾到屋企兩個無線電話都無電,哈哈哈哈哈哈..............今日係我返黎咁耐爆開心既一日....................................

今日老豆阿媽一齊放假,我又9點幾俾佢地嘈醒左,本來佢地話出去『工展會』行,佢地叫我去,但係我覺得應該會好悶,所以話唔去,何況本來我係約左Sam Ho同Joanna........不過我阿媽就俾說話我聽,仲要係幾難聽,難聽到我發左好大既脾氣,之後佢地兩個就出左去,我就係屋企唔知點好,爆無耐,即時無乜mood出街,好彩有Sam Ho,Rachel同Joanna傾左陣,我就決定出返去搵返佢地啦................

不過我出去之前,先去左元朗搵Joanna,原來佢琴日呃我話叫我幫佢整野,其實係想我出黎俾份Christmas Gift我,當我收到之後一睇,嘩,原來係頸巾啊,係一條啡色好Warm既頸巾,好驚喜啊,我好想要頸巾好耐架啦,仲要係Joanna織既,爆開心,開心到................總之係非筆墨可以形容啊........哈哈哈哈哈..........Thanks Joanna,我會好好保存呢份Christmas Gift啊...............之後我就出去維園搵老豆阿媽啦,出到去,點知佢地原來無乜野架喎,anyway,我地就一齊行啦,行左陣,兩點幾就行完就撘車返屋企啦。夜晚見係屋企咁無聊,就叫左班粉腸出黎飲野,我地9點幾就出黎,不過Sam Ho要同佢班同學仔打邊爐,我地等到成11點幾先有得飲,我地又係新B仔度坐下,吹下水,望下女咁,突然有警車黎左,我同麟仔第一個反應就話抄牌,果然無錯,我同麟仔即刻就話走啦,之後我地兩個就飛奔去拎車啦,廢事飲杯野10蚊,俾人抄一抄就$450架啦..................之後就送哂班粉腸返屋企,返到屋企成12點半,就打電話俾Joanna啦,我地又傾電話仔啦,哈哈哈哈,好耐都試過連續兩晚都同佢傾電話,今晚我地又傾到3點15分先訓,嘩哈哈哈哈哈哈哈哈.................

聽日就平安夜,我就入Camp啦,地點係『嘉湖海逸酒店』,哈哈哈哈...............

P.S. 雖然我無買Christmas Gift俾Joanna,而佢亦都話唔係交換禮物,唔使送返俾佢,咁我就送返隻歌俾佢啦,容祖兒既『小天使』.............


小天使 容祖兒

待我好 不會保留 不休假暖夏到深秋
飛走的歲月心酸牽掛感受 閱纜自妳這一對手

未變改一臉溫柔 感激妳我願說出口
溫馨的鏡頭 笑臉神情都像透 多相親更有時像摯友

陪我去走 自昨日蕩韆鞦 到那積雪漸厚 到我有點成就
全也是妳兩手 無聲卻在背後 能贏盡多少豐收 遍踏地球
難及在妳身邊更富有

是昨天 相裏飄浮 花園裏笑著砌沙丘
當思憶倒流 縱是平庸得像我 如小小天使妳懷內佔有

陪我去走 自昨日蕩韆鞦 到那積雪漸厚 到我有點成就
全也是妳兩手 無聲卻在背後 能贏盡多少豐收 遍踏地球
難及這份愛直到永久 從前伴著盪韆鞦
到那積雪漸厚 到我有點成就 全也是妳雙手 默默在我身後
能贏盡多少豐收 遍踏地球 難及在妳身邊更富有