2003年12月17日 星期三
今日老豆阿媽一齊放假,大家都會估到我又係俾人叫醒,今朝係7點半.............
我地8點幾就出門口去天耀飲茶,飲完茶就去左街市買"送",因為今晚做節,做冬啊,買完野返到屋企都10點幾,坐一陣,睇陣電視又出過去啦,因為今日約左Joyce睇呢個無間道III之終極無間,之前D人就話唔好睇,好悶,都唔知佢講乜,不過睇完之後又唔係佢地講得咁差,亦都唔係好難明,可能我好用心去睇啦,杜文澤真係好攪笑,其他既真係睇演技,除左黎明,我覺得佢真係唔得,especially佢既面部表情真係好唔得,overall都算OK,如果無間道I10分有9分既話,我諗終極無間有7分囉,不過大家觀點與角度都唔同,就見仁見智啦.............睇完之後就去耶林閣食飯,原來我同Joyce都係一路睇一路覺得好肚餓,所以一睇完就即刻搵地方食飯啦,食完之後陪左Joyce行左一陣佢就要去做Body Check啦,之後我就去左打機........
打緊機果陣電話震,不過我冇聽,因為打緊機,之後就Check返原來係Joanna打俾我,於是就打返俾佢,佢話佢岩放學係輕鉄站,所以我就叫佢等埋,我就即刻爆開心咁走去搵佢啦........Joanna呢排同Discovery Channel果隻Salamanda無乜分別,好難先見到佢架,特別係就快考A-Level既季節,因為佢好勤力咁清功課,仲諗住呢個禮拜都見佢唔到,哈哈哈哈......不過唔知點解見到佢又唔知點咁,唔關佢事囉,係我自己唔知做乜,所以就..........不過佢好好,趕住返屋企做功課都陪我行左陣,哈哈哈.....送左Joanna撘車之後,就去美心買下午茶俾Sam Ho啦,仲要拎埋上佢屋企,人地話跛喎........哈哈哈.......上左去"探病"一陣就走啦,返屋企食飯,今晚三姑姐同姑丈都黎食飯,食完飯洗完哂野就車佢地返錦繡啦,跟住就落元朗Join麟仔,因為佢女朋友高妹,同William都係度,一齊食糖水,坐到11點幾就返屋企啦..........
P.S. 我真係好唔喜歡人地無論玩又好,真又好咁打我塊面囉......不過可能我之前無提過啦,所以之前犯過既老友記,算數啦,不過切勿以身試法................
Joanna: 等你得閒既再同你研究研究(國語)啦..............哈哈哈哈
文章定位：
