尚未設定 尚未設定

43愛的鼓勵 0訂閱站台

2003年12月13日 星期六

琴晚我記得同Joanna傾電話傾到兩點幾,今朝8點50分就起身啦,因為約左Joanna睇戲囉,起左身之後我就叫醒埋Joanna啦,點知我等車等得耐而遲到,要Joanna係新元朗中心等左我三個字,真係好唔好意思啦,哈哈哈........唔講大家唔知,我識左Joanna 7年,我地係第一次一齊睇戲咋,哈哈,好難忘架,所以我Keep住左張飛尾留念,因為同我地今日睇既戲"忘不了"一樣,今日第一次同佢睇戲,真係忘不了,套戲好多人話好Touching同好Moving,但我同Joanna睇完之後都幾失望,因為我同佢都覺得只係有一Part係Touching之外,其他都係Nothing Special,果Part就係當張柏芝同劉青雲諗住送古天樂個仔去保良局既時候,佢個仔就好唔捨得同喊哂口叫張柏芝唔好,話佢以後都會乖同聽張柏芝話,果陣係戲院都聽到幾多女仔忍唔住喊架.......

睇完戲12點幾,我地就去左食上海野,好耐都未食過酸辣水餃麵啦,好食......我地仲叫左碟吉列豬排飯同餡餅,食飽左之後就陪Joanna去元朗圖書館自修室溫書,我地先去左閱覽室睇書,睇睇下我同佢都訓左陣,哈哈哈哈......3點幾我就走啦,因為我唔想阻住佢溫書囉,所以我就走圍行,行左一陣就打左俾麟仔,佢"蛇王"早走左,所以我就去佢屋企等佢,等佢換完衫,我地就去左William屋企打機,最初William話佢唔理我地自己溫書,但係我同麟仔打Winning賭錢5毫子一球果陣,佢就成日走出黎睇我地打,都話"姣婆守唔到寡架啦",哈哈哈哈.....麟仔都係不外如是,雖然我同佢玩三鋪,1勝2負,但係我都係輸D加時屈機付碌波,打左成個鐘都係輸5毫子......

五點九我就走啦,因為約左民安隊既朋友仔去燒雞翼,我地去左天水圍既"有叉用"度燒,燒到成11點幾先走,返到屋企成12點幾,之後就陪阿Law傾電話,因為佢燒完野食好慘無哂巴士返上水,要去元朗轉小巴返去,所以我就打俾佢陪佢傾下計,等佢無咁悶同安全D,話哂一個女仔,之後打埋呢兩日既Dairy,依家兩點,我要訓啦,哈哈哈哈哈........................