老細尋日好早就收左工喇.....所以我地都1點就收工^^
之後去左旺角先達諗住問下價兼行下
真係好耐無去過旺角....由以往一個星期三次左右
變成而家一個月都無一次....~~^^"
(我差d唔識行去先達呀....諗左一陣...)-_-"
去完先達之後...諗住去大角咀搵返間湯飯舖頭...
踏足好多好耐都無去過既地方
有好多地方已經改變左....
有d仲係屹立不倒
去番朗豪坊.....同埋以往經常都會去既天橋....
有一種好特別既感覺
去左大角咀....有好多舖頭唔同左
湯飯舖頭已經執左,換左好多西餐廳
但感覺上無以往咁多選擇,好多都一式一樣喇
結果去左....
去左一間小店食,食左個餐蛋面....好飽
呢個兩溝係帶返屋企夜d食飯既時候食
喺呢一間小店,感謝以前阿儀請我喺入面食過一餐
呢間小店..雖然d食物好普通,但的確好好食
去返聯合搭118....真係好耐都無試過
------------------------------------------------------------------------------
晚上,真係極度罕有地上fb....阿虹留左個言比我喎
阿虹係我第"三"個女朋友....我尋晚眼訓到死左....打錯左第二個tim...hahaha
因為我睇左本講經濟既書....仲睇左少少一本講心理學既書....好攰
好攪笑,我見到佢d樣,覺得佢靚左...仲好似白左咁
我見到佢既朋友...我以前都有見過相...好親切
聽到佢話結左婚,我都好開心呀
佢睇我日記...仲笑話︰原來我係你第二個女朋友黎架咩....hahahah
我打錯遮^^"
咪以為我真係咁花心先至得架....>_<
佢同我分左手之後...我三年後先有阿儀咋....
呢三年真空的....有反思自己.....
我覺得自己唔好,以前唔識珍惜,好想同你講對唔住
我喺呢度打出黎,阿虹你唔好回應我呀
如果唔係我第時乜野感受都唔打出黎架喇...
不過其實我好多朋友都知道的
聽到你有個好老公,我都好開心,解了我的心結
祝你同你老公永遠都咁幸福^^
呢一個就係緣份既安排
你帶比我既印象,依然有些未有磨滅,
除左你對我婆婆好好之外,你對我都好好,
喺我生日既時候整左個生日蛋糕比我,我都記得
你喺陪我入馬場既時候,望住「精英大師」喊,我都記得
hahahaha~(唔駛覆我la,只係有時諗返起,幾得意丫)
------------------------------------------------------------------------
我係好幸運既人,好開心上天每一次賜給我既女朋友都係好好既女仔
阿儀就黎生日,我都希望佢同佢既男朋友都會過得好幸福同快樂
-----------------------------------------------------------------------------
聽日之後會有幾日假期,雖然係時候比自己抖下,放鬆下,去下第二度散心
但除左玩之外,我已經安排左自己一d學習同睇書既時間
阿虹見到我事業而家唔錯,佢都好開心,佢仲十分鼓勵我,
放心啦,我會更加努力^^
其實我最後既志願仲係開間小舖頭仔,唔駛發達,
但求俾到屋企人溫暖,幸福,唔駛為錢擔憂,健康快樂,
老婆間中帶小朋友落黎陪下我,我已經覺得好幸福
呢個係我最終既目標^^
不過我而家係諗緊點樣可以令報紙轉型,
我之前做過apps既調查,反應都係麻麻
雖然而家報紙銷量好好,係我做左總編輯最好既時候
有時我係驚式微,所以我要居安思危,
唔可以比一時既成功感就沖昏左頭腦
------------------------------------------------------------------
今日老細同我傾計,我同佢講有時d人好野蠻
真係要軟硬兼施,個腦要比佢地轉得更快
唔可以係又鬧唔係又鬧...佢地先至會服我....
不過我知道其實佢地好聽我話
甚至有時聽我講多過聽老細講...
老細教左我好多做生意既野...
點樣節流,用人為才,應駛得駛,點樣去run一盤生意
點令下屬信服,甚至係做人既哲理,買樓既知識等等
------------------------------------------------------------------
大雄話過︰人的眼睛生在前面,係因為人要不斷前進
回憶給我帶來無限快樂,但我知道未來有更快樂的事等著我
只要我努力,便能夠抓緊它們,我亦學懂了「珍惜」這大道理
以往在感情路上帶給我既一點一滴,給我很大的領悟
亦很開心,曾經陪我堆砌這一點一滴回憶的兩位前度女朋友
現時已經各自找到屬於自己永遠的幸福
-------------------------------------------------------------------------------
又打完,下次再打
文章定位:
人氣(38) | 回應(0)| 推薦 (
0)| 收藏 (
0)|
轉寄
全站分類:
不分類