南之私心事 很久沒有打日記了,各位賞面不妨看看呢!

38愛的鼓勵 0訂閱站台

可能係天注定尋晚無端端點幾鐘「翟」醒左....

喺whatsapp見到仲未訓既阿儀....

問佢係咪因為最近升職既事而壓力大所以訓唔到

佢話唔係，只係放工返到屋企訓左一陣，所以唔眼訓

但佢好快就話要打比我......

 

結果我地由點半一路傾到差唔多三點...

但好彩呢個電話，我先知原來佢喺背後為我咁多....

 

尋晚傾電話....開頭佢係同我講佢既公事上既煩惱....

因為我地已經唔係日日傾電話...

所以佢一有機會就會好盡情咁講......

事關佢話其實佢唔想同佢身邊既人分享，因為佢覺得其他人唔了解

 

話題慢慢漫延至我地既感情事，

起初我同佢講....我覺得我地兩個分左手，無乜機會喺埋一齊，

佢好快...都ok大反應咁同我講︰「點解呀？」

而家分左手，所以會比較大膽咁講出心底話

 

因為係佢屋企人不嬲都唔係咁鐘意我！原因係乜？

因為佢屋企人覺得我唔夠有錢，咁我地既路好難再行，

而阿儀以往亦有追求者因此而卻步

 

但阿儀又點睇？佢以下講既野，係我認為佢的確真係有所成長

 

「其實早幾日阿媽生日，我係同佢同家姐講過叫你去，但佢地唔贊成，

但係我唔會放棄，我地而家分左手，我更加大膽去試下升做主任，

如果我地仲拍緊拖既話，可能我未必會咁做，因為放工時間唔穩定，

我總唔可以話比你知我六點收工，但我八點幾先落黎架嘛，

咁咪等死你囉？但係而家我大膽左去接受新職位，唔係因為我求財，

係因為我要比我屋企人知道，我都養得掂我自己，我唔駛靠任何人，

咁我同邊個一齊，佢地都無得出聲啦！係咪？而且我身邊追我既人，

一係就靠屋企，一係就無目標，無個好人，無人及得上你對我咁細心，

無人及得你喺呢六年入面肯擺咁多心機喺我身上，

無人及得你對我咁好，我用一年時間去做我既事業，

希望我可以成功，咁到時屋企人無得出聲！

一年後到我真正成長，先至再一齊咁咪仲開心！

如果結果都係唔一齊既話，大家都起碼有好既事業丫！

因為大家都喺一年入面奮鬥過，仲有你呀，如果有人喺呢一年入面同你一齊，

雖然我會心酸，但我唔會阻止你，不過....一年貨仔好勒！哈哈哈！」

 

佢講左咁大堆野，我先至有機會出聲咋，

佢無左我喺佢身邊，真係有進步，咁我地分手係值得，

我覺得最感動既係，佢明知佢屋企人唔鐘意我，

都連番去硬闖想帶我去，雖然最後唔成功，

但係我覺得佢對我已經好好，起碼喺佢心目中都確立左一個好高既位置，

而且佢肯以行動黎證明比佢屋企人睇佢唔駛靠人，

佢都要將來同我一齊，闖開呢個難關，

我覺得...佢真係值得我咁錫佢，我覺得好感動，

佢原來喺背後為我做緊咁多野

唔講呢個深夜電話，我可能一世都唔知，

阿儀就係咁，半夜三間講電話，佢先至會講真心說話....

坦白講，我咁大個仔，第一次有女仔咁同我講呢一番話...

 

一年貨仔？傻既！我比一年自己自由下好過啦！哈哈！

無論佢講真好講笑好，雖然阿儀呢個唔係一個承諾，

但係我都唔想再拍拖住

 

同佢最後講電話講到笑哈哈咁收線，

好耐都無試過呢啲感覺，仲開心過拍拖後期，

好感激原來佢背後背負住咁多野，但都原來仲堅持緊...

我都會好好努力工作！希望一年後大家一齊返既時候...

會比佢一個好溫暖的家

 

佢同我講，一年後佢會更加成長，佢唔會再俾我受苦

 

呢句野，好似一個男仔同女仔講咁......哈哈哈哈