南之私心事 很久沒有打日記了,各位賞面不妨看看呢!

38愛的鼓勵 0訂閱站台

而家好似大約一個月打一次日記咁....

所以有時太過長篇大論..唔好介意.....

 

二月十三日....同女朋友仔去左婚紗展....

第一次去呢啲展覽....真係好有就快要結婚既感覺...

聽到好多結婚要知...要用既野....

好新奇....原來有咁多野架....

去到一個台灣參展商....

兩個職員猛讚我同阿儀好襯....

我地兩個大笑....

事後花師奶同我講...︰我同我老公去果陣...好多攤位都有咁講架啦...

去完婚紗展...好開心咁走...點解成日都咁恩愛架..........

 

二月十四日...情人節....

但今年要返工....仲要係超長時間果隻...真炊坷

加上想儲多啲錢結婚....所以無慶祝喇...

我知道將來既日子每一天都會好似情人節咁既

 

遠既野講完勒....講番啲近啲既

 

啱啱星期五....阿儀去左廣州參加朋友既婚禮.....

係佢同我拍拖呢年幾入面...第一次分隔兩地（好誇張咁）...哈哈

第一晚（星期五）....放工之後去柴灣圖書館借photoshop既書...

有本係出左一個月左右既新書...咁都借到....good~

之後返屋企溫左陣書....之後訓覺啦諗住...

但係都訓得麻麻地...唔知做乜

 

阿儀喺廣州都會向我報到下...哈哈....

 

第二日（星期六）....一早向阿儀講左會約阿yen啦

所以本身約左七點喺雅蘭等...

但係我六點五十分到啦....阿yen雖然遲到少少...

但就不斷唔好意思呀....之類......

哈哈....其實我覺得女仔遲到係正常.....

無人會打得破某位女仔朋友遲兩個鐘既紀錄既...

 

但係我到左旺角之後....好多人呀...

次次見到咁多人既地方...火都嚟埋....EQ即刻急降....

所以同阿yen講︰不如去奧海城啦！

佢話好...所以去左h&m等...

等左一陣....佢不斷好似好趕咁send sms黎話..

「我黎緊架啦....」好急咁....

之後我企喺度啦..佢失驚無神send個sms黎...

「你睇下你後面...」

我心諗...我後面係玻璃窗黎架喎...-_-

哈哈哈.....望望望....之後佢喺我後面拍我....「喂！^^」

 

呢個傻婆.......

 

之後就一路行去奧海城啦....好似同阿儀行街咁呀...

 

去到奧海城啦..阿中打黎...

「你喺邊呀？同阿儀一齊？」

「我同阿yen喺奧海城呀...阿儀去左廣州！」

「阿儀唔喺度...都要去奧海城....掛住佢呀？」

「係呀....懷念一下同佢一齊行街既感覺丫嘛！」

「........................」

 

哈哈！

 

收左線....阿yen話....「我好似代替緊阿儀咁呀！！都係返屋企！！」（講笑語氣）

哈哈哈！！

 

之後行左一陣....最後去左越棧食野（好似叫越棧）

一路傾一路食...

我之前問過旺角地膽阿儀....「旺角有乜好食呀....」

阿儀︰「百佳酒店啦！」

 

我同阿儀大笑！！極開通的女友

 

所以我同阿yen講....

「阿儀提議我地去百佳酒店架.....！」

「咦....百佳酒店.....即係pokka？」

我大笑....「唔係呀！」

佢再估....

「百佳....有酒店架咩....？」

我再大笑....「唔係呀！」

佢之後諗諗下....「時鐘酒店黎架？」

我話係呀....

之後佢先識大笑...真係純到傻仔呀佢....

 

我請左佢食餐飯....佢又請我食許留山啦...

食左紅白小丸子...

吹多輪水...就送返佢上車...

我又再行多一陣....就返屋企啦....

 

不過夜晚都係訓得麻麻地....

今日阿儀返黎啦...

佢向我交代返好多野呀....真係一個好有安全感的女朋友

今晚應該好好訓啦！哈哈