24h購物| | PChome| 登入
2006-10-11 13:41:33| 人氣63| 回應2 | 上一篇 | 下一篇

汕頭之旅~~第二天 (飲早茶)

推薦 0 收藏 0 轉貼0 訂閱站台

第二日既行程就係要晨早起身去飲茶!! 勁呀!! 平時返工都無咁早起身,今日竟然要7點就起身,天呀!我呢幾日都好唔夠訓,尋日又咁早,今日都係要咁早,今日起身,唉!身體有D唔掂,眼水係咁流,個鼻又係咁打嘖次!點算呀 !!!
不過今日既茶局,有部份原因係關我事,點解呢! 她們有個親戚識得睇相,想睇下我個人係點,同我女朋友夾唔夾喎!! 佢個親戚有時會眼定定咁望住我,我諗佢係想睇下我個相,我自己知道相黎講,我隻眼係最無神,我驚佢同我講話我會有咩意外既野,有兩個相士同我咁講過喇!好彩!需然我唔識聽汕頭話,不過我見佢地笑笑口咁,我就知應該無咩事既.呢餐茶!其實一d都唔飽,因為一籠點心得4粒,我地人數又多,就算叫左好多點心,都好似食得好小咁!葉儀就話d野唔好食,我就覺得都OK啦! D 點心有D肥豬肉幾好味!! 因為食得唔飽既原故,我地飲完茶行路返屋企途中,見倒有菜肉飽,我就即克要話食,就買左一個食囉!幾好味架!!葉儀又覺得我好大食咁,其實一個飽等如試味咁,食完都唔覺飽D,最好應該食多幾個先夠呀!!
飲完茶返到屋企,真係堅累,訓左一會,有朋友請我地就一齊去左唱K,那裡真係幾靚,地方又好大,D歌當然無香港咁新啦!我地唱左兩個鍾埋單,7個人折左一百四十幾,都幾抵,o係香港平平地7個人要成五百,我地個個都話正,要再去.
夜晚我地o係屋企附近火鍋,全牛宴,大家都食得好開心,大部份野我都好喜歡食,只係牛柏葉,我覺得有d怪味,好似人地有口臭d味咁,所以我食左小小就無食喇!!
好彩最後我食左d河粉先飽,返到屋企又食雪條!! 正呀! 話咁快又到左訓覺時間,明日又要早起喇!!

我要檢舉
台長： NICK
人氣(63) | 回應(2)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
UU
仲係未有第三日...你梗係掛住玩世紀帝國啦~~
2006-10-19 15:32:56
台長
早幾日係囉! 呢幾日忙住做野囉! 好快有喇! 等下啦!
2006-10-20 10:25:23
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文