出發日期 : 20-3-2005
DAY ONE..
一早 7:00起身,約咗亞 JADE 8:00係 MTR 等
因為我地要係9:00去到中港城坐 ( 海亮號 )去珠海九洲港
成個船程一個鐘頭十五分鐘
隻船出奇地好定,我地2個都冇暈船浪
之前仲驚青到食定暈浪丸
大約 11:00 終於到咗九洲港
我地首先搭車去珠海冰極樂園,
去前以為好勁咁plan晒搭巴士,盡量唔搭的士,
去程時明明我地坐啱車,點知比個女人點
我地搭倒頭車,落車過對面搭,個巴士士機又點我地過返對面,
攪到我地好似低能咁,又要問人,又要睇巴士站路線圖,
到咗最後,你知唔知係點 ?????
hahaha 就係搭 taxi ,你話我地 2 個係咪路痴 吖
攪咗一大輪終於到 la
去到冰極樂圜,可能$60入場費貴,所以無咩人入去,
裏面都幾靚,全部嘢都係用冰整成,包括有兵馬俑、獅身人面像…..等
好似得我地2個傻婆係道玩,我地感覺好似去左哈爾濱,
比多$10就可以任玩滑雪滑梯,
呢個嘢好攪笑,好好玩,
初頭我地 2 個都唔夠膽玩,因為就咁望落去都幾驚,
叫個工作人員示範下先,點知佢滑到一仆一碌,隻鞋重入晒雪,
我地哇哇聲,阿JADE好勁咁話滑先,見佢無咩事,
我又滑, 點知一玩就上引.
到最後差D唔願走,好好玩!
玩完冰極樂園,有d肚餓,就去咗附近 “來來酒樓”食lunch
呢間嘢我 send e-mail 問過有關人士,佢回覆話係好嘢嚟架
點知 >>>>><<<<<<<
我地叫咗一碗粥、一碟菜同埋一碟星洲妙米,啲食物就麻麻,
jade就叫多咗一支可樂,點知亞樓面部長 陳碧嫻
佢問阿jade要一支定一灌,咁我又唔飲要一支得 la
當大家以為係玻璃樽可樂之際,
點知佢拎咗支 1.25公升嚟,真係比佢激死,
跟住咪叫佢換 law,佢仲好似唔係好想咁,
跟住仲問我地有冇係大陸飲過支裝氣水,佢真係當我係 (鄉吓人)
我地開始同佢傾開計,佢無端端比張卡片我地,
重問我地有無卡片比返佢,
大佬,我地邊有你禁高級呀,佢話我地好講得笑,
臨走時重千叮萬囑我地下次去珠海要call佢,好鬼好笑!
食飽飯,就去咗附近石景山公園
去公園之前我地去咗附近一間酒店借厠所,
間酒店好靚,個厠所鬼死咁有氣派,完全唔駛用手開門
係全自動呀,大佬呀果度係大陸嚟 ga,
使唔使型到咁呀?攪到我忍唔住要影番張相,好好笑.
我地諗如果有d大鄉里去toilet,個門自己會開,佢一定會以為撞鬼,haha
跟住就搭覽車上去山上面,坐住架覽車果陣,其實有啲驚,因為架車都幾殘吓
不過望番落去又幾靚 ga, 係上面 hea 咗一陣,
到戲玉 la,就係玩 “ 索滑道 “
即係坐住個膠盤,係條路軌上面滑落去,
初頭有啲悶,因為有工作人員殿前,心唸一定好鬼死慢,有吔嘢好玩呀,
點知去到中段,真係有啲料到,滑得超快重要無用break,
都算幾好玩.幾刺激!
玩完之後,因為仲未夠時間搭車去御温泉
我地去咗附近商場,食咗個 tea 好抵 只係 $9.8
食飽後,就搭 taxi 返碼頭,,個司機好多嘢講,好攪笑,
阿jade又同佢係咁吹水,最後仲比咗張咭片我地
真係唔好講笑,的士司機都有咭片
我地落車睇張卡片,個名叫陳司機,
笑到我地死死下,
繼酒樓部長之後,又有的士司機派咭片
珠海即係珠海 ｉ ｌｏｖｅ u
我地搭 4:00車去御温泉
車程約 1 個鍾頭,終於到 la,真係有啲興奮呀
d工作人員好好人呀,
其實每間房都有個門牌寫住 [蘇宅] 姓氏的宅,
我地見到有一間寫住 [豪宅] , 就拿拿聲叫工作人員同我地換,
好鬼好笑!
我地check in 之後第一時間出去浸温泉
我地 ga 速度都幾快, 2 個幾鍾就浸咗人地
8 - 9 成温泉 中間仲有啲時間坐咗陣
浸完之後,沖完涼洗完頭,,就去食晚飯
我地去咗間餐廳,裏面有日式同西餐
啲嘢都幾好味,我地仲估間餐廳可能係 HK 人開
食飯 ga 時候,仲有啲人係到唱 K,
都唱得 ok ga,但係我地唔理,又笑人
仲有呀,我地仲見到亞視個 (茄呢啡)
跟住,就上咗天台玩 ( 免費 ) 烟花
免費即係免費,好快就玩完,仲一啲都唔好玩.
之後就同其他人夾錢買咗啲 “嘀嘀金”玩
“嘀嘀金”須然唔係好勁,但係好好笑
因為點著咗佢好似火足咁,好大烟
我地著住套和服嚟玩,你都咪話唔攪笑
仲好有日本 feel 添
玩完烟花,你真係估唔到我地去咗邊?
我地見悶悶地,就問左個工作人員可唔可以參觀最貴的房,
佢竟然一口say yes,好到爆!
跟住去小食店買雪糕食,
天呀,想點呀,攪吔呀,係咪參加咗增肥團呀?
之後,睇咗陣 TV 就瞓
真係好出其,平時去旅行住酒店
唔多唔少都會盈住有鬼,
但係今次,我一啲都感覺唔到間房有嘢
事後阿jade問番我,佢都有同感
個感覺真係好好,因為冇吔幾可
可能因為我地住果間係 『豪宅』
待續 ………
special thx to JADE~~
文章定位：
