拍拖之感想＠理想角度2007｜PChome Online 個人新聞台

2004-04-24 20:40:00| 人氣36| 回應0 | 上一篇 | 下一篇

拍拖之感想

推薦 0 收藏 0 轉貼0 訂閱站台

以前冇拖拍，就好渴望拍拖。中學時代平淡的學生生涯中，都有兩、三個男仔追過我。但那時家教甚嚴，試也不敢，而且眼看每對拖友的成積都係千篇一律咁一落千丈喎，都咪話唔驚嫁。

不過，最沾沾自喜的還是那個由中二開始鐘意我到中七，但都係追唔到我的男同學。我未試過同佢一班，但佢追我的方法都有點問題，他太被動了，我知道佢鐘意都係因為佢的好朋友同我一班，由那些好朋友口中得知而已。而且，中二至中七期間，他也有兩個女朋友啊！那時我還以為他已放棄了，我亦沒有什麼感覺，但我發覺佢成日都偷偷地望我。直到中七為止，我和他還是同一間學校，他亦已有一個好好人品的女朋友，因為我認識佢女朋友。有一次學校舉辦講座，因為佢做領袖生，所以佢冇得坐，而我就坐係後排位置，我發覺佢不定咁望我，咁我咪望番佢，睇下佢諗住望幾耐，但最後都係我唔望佢先。如果我係佢女友，發現自己男朋友成日掛住以前追唔到的女仔，我一定會飛左佢。但我又唔係好明點解佢會追其他女仔，又唔追我喎，可能我只係佢幻想的對象而已。

到升上大專以後，認識了現在的男朋友，一齊已經四年有多了，真係估都估唔到，我當初都係諗住玩下咋，但玩下玩下咁快就四年了，我諗都重有排玩。其他一直有來往的舊同學的拖友都散晒了，連我最睇好的那對也分手了。每次舊同學聚會，佢地的男女朋友都唔同晒，只淨番我同我男友。

我諗愛情這個東西都係一句講晒「人夾人緣」，整定係你就係你，冇得強求。

我要檢舉

台長： M小姐

人氣(36) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)