清新簡單自由樂體 清新簡單－追求的生活 自由樂體－理想的方式

8愛的鼓勵 0訂閱站台

　　前幾日去睇左＜每當變幻時＞呢套戲，睇完之後令我思潮起伏，諗左好多野。

　　眨下眼原來香港回歸左十年啦，即係話澳門都回歸左八年，回想起澳門回歸時我都有去參加大遊行的慶祝活動，個時我應該係讀緊高二，仍然是係好純真的時代。

　　再想想，十年前，我十四歲。個時應該讀緊初二，一個純真的學生，重要打扮成男仔頭，出街d人叫我哥哥仔，有人重懷疑我係同性戀，超好笑^-^其實個時係我唔識打扮自己，唯有簡單算啦。跟住讀初三，開始左我的暗戀，第一次實實在在喜歡一個人，個種心情其實幾令人回味，傻傻咁暗戀住，有時同佢有少少接觸、對話，已經令人莫名興奮，直至高一升高二個年暑假，我好勇咁向佢表白，意想不到的是佢都喜歡自己，跟住開始左我傻傻的初戀，呢段戀愛雖然短暫，而且唔實在，因為真正在一起的時間係少之又少，斷斷續續咁，不過我感受到我地的感情是存在的，只係大家唔識得相處罷了。不久，我爸爸過身了，由一家四口變成三口，唔知點解我同弟弟都好堅強，可能個時唔知咩叫痛心疾首。第二年，我中學畢業了，考上了心儀的大學，對未來充滿住盼望．．．．

　　大學第一年的生活是多姿多采的，然而在升大二的時候，我突然停學，因為我對當時的教學方式感到失望，而且對於自己的專業，我發現自己是不喜歡的，所以做了很任性的決定，當然令我媽媽傷心了。接著我努力搵工，儲錢，報考了另一間大學，自己交了第一期學費，由個時展開了日頭打工，晚上返學的日子。係呢幾年的日子裡，有苦有樂，特別係大三大四的忙碌學業，加上論文壓力，令我喘不過氣來，慶幸在升大三的暑假我認識了現在的男友，佢對我好好，我地好夾，剛交往不久，我便知道佢係我的Mr. Right了，大三大四的日子，我經歷過被朋友出賣，失業，學習低潮，心情低落，每次佢都第一時間跑出來安慰我。記得有一次我地鬧分手，雖然只有一日，已哭了超過我之前人生所哭過的眼淚，我相信呢個世界上只有呢個人，可以輕易牽動我的眼淚。與此同時，在呢幾年，我人生的三位真正知己亦出現左，我地四個情如姊妹，其中一個仲已經結婚生仔添，我地都替佢感到高興~^-^~

　　再過幾日，考試完畢，六年的大學生涯終於結束，在人生的廿四個年頭裡，此刻我滿足我的所有，我有親愛的媽媽、弟弟、祖父母、表兄妹，感情深厚的四姊妹，當然唔少得我的BB，我實在覺得自己好幸福哦，多謝你地帶比我的幸福^0^….即將要踏入人生的另一頁，當然我會努力讓自己人生的每一頁都多姿多采，色彩奪目，加油呢！！！！