24h購物| | PChome| 登入
2005-05-23 02:50:28| 人氣24| 回應0 | 上一篇 | 下一篇

剛過去的周末

推薦 0 收藏 0 轉貼0 訂閱站台

　　剛過去的周末，真係特別輕鬆，無刻意去安排有咩要做，只係好隨心咁去比時間經過。

　　星期六下午去左路環出席一個活動，本來諗住會好無聊，點知剪完綵之後，主禮嘉賓會由專人帶領去清理草叢堆的枯葉，哈！都幾得意喎，又有意義，我執左成大袋架，而且個袋係可以裝成個人落去個種，係咪好叻呢～唔知係咪做左有意義既事，跟住好運就黎啦，首先係大抽獎，全場得三個大獎，我地會個攤位抽中左部MP3，然後走個時，仲擔心緊截唔到的士，點知一出到去就有啦，一千零一架，仲要係個乘客在我地面前落的士，哈哈！好耐無試過咁好彩啦，真係講你都唔信。夜晚約左小青蛙食飯，同埋AECM的兩位理事，氣氛都幾好，有講有笑，講到唔捨得走，見夜先散場咋。SAY左GOODBYE之後，小青蛙話想繼續下場，跟住就約埋愛人去海邊吹水，由十點幾吹到夜晚兩點，不過好開心，因為好耐無試過咁無壓力，幾個女仔圍埋係度傾計，而且大家咁FRIEND，所以真係天南地北，無所不談。

　　由於尋晚咁夜訓，今日訓到中午先起身，然後四點就去行街，買左條褲，幾舒服架！跟住返屋企煲電視，睇到李英愛，佢真係好有氣質，一行出黎，成個白雪公主咁，三十幾歲既女人都咁有魅力，真係抵佢咁受歡迎既。等左成晚，千呼萬喚的浪漫滿屋大結局終於做啦，個結局我好鐘意呀，慢慢步入高潮，過程中又浪漫又搞笑，真係冧死人，超好睇呢！！！！^0^….

　　WOOH~~~~呢兩日過得真爽

我要檢舉
台長： 心跳回憶
人氣(24) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文