今日一早Maths堂, Sherman請左假無返,練小姐入黎代堂,仲俾左一份我地未教哂既Test我地做,我地當然係度嘈喇,後尾練小姐就話我地係repeater d野之前都學過哂應該識左,聽完佢講我地都無野再嘈唯有做喇,我識做d又唔識做d就交左,之後中文同英文堂無咩特別就放學lu~
一放我就走出去喇,因為約左張瑋兒係出面等,出到去見到遠遠有一個飲緊檸檬茶既人,但係睇唔清楚係咪佢,咁就再望下周圍喇,之後果個人就行過黎,行到黎我面前我都仲未認到佢,佢又唔出聲,咁望清楚係佢喇,c wen之前話佢個頭大左好多,但係今日睇都唔係呀,攪到我真係以為佢個頭真係大得好厲害tim,佢又剪左頭髮,真係好難認呀!!咁我就諗住行得去睇戲喇,但係佢話約左冼文浩要等埋佢,等左一陣人齊就行得,我地就一齊搭輕鐵過元朗睇喇,係搭車既時候都幾靜下,大家都無咩講,後尾好左d d喇~
去到我地就睇一早決定左睇既’九個女仔一隻鬼’,好彩o岩o岩好開場o者,(我都幾耐無睇過戲喇,上次係考完mock之後,果時係同阿恩,郭健,cheuk lai….一齊睇千嬅既’新紮師妹’,唔知幾時再可以再一齊去睇戲呢??)入場之前張瑋兒去左toilet時,冼文浩同我講,話之前好似無同阿恩去過睇戲,果時我都唔係好記得以為係,之後就入場,2個鐘話咁快就過左,呢次係我睇咁多次戲無睇幾點既一次,咁唔代表呢出戲好好睇喎,係懶o者,出戲ok la,散場走既時候我就突然諗起以前同阿恩玩手掌測運程果部機,(我而家手提個問候語就係入左果次玩既result)而我記得阿恩同我講過佢同冼文浩都玩過,咁照計應該有睇過戲之係嫁,咁我就問佢,佢記起真係有呀,果時係睇’千與千尋’嫁,(阿恩:佢都唔知係唔記得嫁,唔駛激氣呀!!)
之後我地就行返出去元朗,去左KFC叫雞,而張瑋兒就俾左佢既第一次我喇,第一次既意思係,佢除左試過同佢mammy之外,就無同過其他女仔一齊食過雞,我係第一個,因為佢覺得咁好樣衰,而冼文浩個衰野就即刻講’同mary一齊食有咩所謂呀,mary之嘛’,我當堂無野好講呀,點解個個都係咁嫁,當我係男仔咁,不過算喇!做男仔都幾好呀!!食食下,張瑋兒就講左2個佢係紐西蘭既 經歷俾我地聽,一個係有一晚佢飲左酒仲傻下傻下既時候就同班fd去食飯,之後有個日本女仔係度講,話好多男仔望佢,之後到張瑋兒望過去既時候,佢竟然嘔左出黎,最後攪到個女仔喊,(嘔既原因係因為飲左酒,完全唔係因為望到個女仔)我聽左之後覺得好攪笑,我諗換轉我係果個女仔一定會大笑,另一個唔講喇,只係講一間食市既野食好好味,但係內裡既製法就…….(大家心中有數喇),原來今日張瑋兒都想飲酒嫁,但係冼文浩仲要返學,我又唔飲既,所以最終呢個意見都擱置左~
食完都差唔多7點,冼文浩返7點,咁佢同張瑋兒就搭小巴走,我就搭輕鐵想返自修室溫書,又想返home,之後就決定睇下邊架車黎先就去邊,係行到去輕鐵站果陣o岩o岩走左架614,咁諗住多數會返home多,但係過左一陣又黎614,咁上車喇,但係去到siu hong 我都係落左車,轉505返home,因為我諗我去度都唔會點溫,倒不如早d返home好過~
今日終於收到shw寄黎返畢業典禮既信喇,好彩2點先要返到去,可以上埋maths堂先,真係好想快d到星期五呀,好期待可以見返佢地呀~
文章定位：
