噚日食飯食到1:00AM, 又飲左D酒,今日勁TIRED囉,仲咳到嘔茄,咪去左公司對面間藥房買左支咳藥水囉,不過飲左都係無乜好轉,仲好似有D發燒添,咁咪返工中途去左睇醫生囉,我問眼鏡鋪老細沙田有乜醫生好,佢介紹左一個叫曹貴子既醫生比我,佢話佢間醫務所上市囉,我本身都唔係好信架,但去到睇,真係好似幾PRO.咁,仲收得好貴添呀,小小的感冒,收成$225囉,勁貴!!!不過食完藥真係好似幾好咁,是旦啦,豪比佢!!
8:00PM放工,一早已經諗左放工之後同素芯去公司隔離間商務買書,因為我有$100 書卷,所以揀左自己想買個本書之後,都仲要揾其他野湊夠$100,咁咪去睇下D相簿囉!!點知攞左本大口仔相簿之後,諗住去比錢之制,就有個女仔好大聲咁同我講,”小姐,唔好行住,佢非禮你!!” 我個時都未嚟得及反應,仲以為去叫我唔好行住,話我偷野添!!(因為我個袋冇拉鍊嘛), 跟住個女仔就話要報警, 個時我其實都唔知發生緊乜事!!個男仔淨係話冇,但聽住個女仔講電話, 內容如下( 我捉到佢喇,拉住左,係我則邊,見住佢模………..)個時我先知佢係警察囉!!! 跟住就有其他男便衣嚟捉住個男仔,個女警就同我行出商務,企埋左一邊,問我攞身份証,咁佢就同我同素芯講,佢地原來跟左lee 個男仔成個鐘架喇,係之前商務有人報警,話有個男仔成日係到摸女仔,但D女仔都唔發覺,係佢見住個男仔將隻手放係佢自己囊下面,跟住就去摸我大腿近pet pet位置.佢好激動囉,仲激動過我!!
講真其實我唔係好知佢模我囉,因為個時好多人,我又”咩”住個則袋,咪以為係自己個袋整到自己囉,加上咁多人,踫踫撞撞好平常,佢掃一掃,真係唔係好覺.但既然個女警睇住,我都信佢有做過,唔通個女警屈佢咩@佢仲教我之後落口供要講乜@
跟住我就要同佢地返沙田警署落口供,素芯都有陪我去,咁大個女,第一次坐警車,原來都幾舒服架喎!!跟住去到警署,坐左一陣,就有另外一組CID幫我落口供,係一個大肚婆幫我落,因為一定要女仕幫我落.其實我都冇乜講到乜野,淨係講下我當時做緊d乜,佢問我個男仔係由左至右定右至左掃我, 嘩!!!點知呀@@
其實成個落口供,我都好似淨係睇佢作文咁,作完之後我就簽名,留低聯絡方法之後就走得.之後仲要自己行返出沙田新城市廣場添@ 但無所謂啦,做個良好市民,與警方合作嘛!!如果夠証據,佢應該會比人告,咁我就要出庭LU…
聽素芯話,佢等緊我落口供個時,同d警察傾計,d警察話個男仔住大埔,讀大學year 3囉,好一個大學生, 竟然會做出咁既行為,如果告得佢入,大好前途乜都無啦!!
當然去警署之前我有打比媽媽啦, 返到屋企,佢地都覺得奇@以廖愷愉既性格,比人摸我一定會大叫架嘛,點解今次無?哈哈,我都唔知點解,真係唔係幾feel 到,可能又因為我食左藥,有d温温地啦!!
今日……真係一個傳奇的一天啊@!
文章定位：
