七月六日整傷膝蓋到現在，已經一個星期，仍未睇過任何醫生，學阿衍話齋，瘀血積住咁耐，冇事都變有事啦，佢話佢腳踝骨裂的傷應該會早過我痊癒，繼續係咁唔理，隻腳遲早行唔到。
我唔係唔想理隻腳，但我好驚醫唔好，同要用好多錢，所以猶豫不決。
開始時諗住睇急症，細B、林明話西醫可能會醫死隻腳，叫我睇中醫跌打；諗住睇中醫跌打，企鵝、黃仔就話我好大可能傷了半月板，睇跌打治標唔治本，叫我睇前年睇過的私家骨科醫生；諗住預約時間睇私家骨科醫生，阿衍又話睇私家醫生要用好多錢，叫我睇「街症」公立醫生；諗住今日早上去排「街症」睇公立醫生，雷仔剛才又話街症醫生診症很隨便，又「行貨」，叫我睇中醫跌打。搞到我都唔知睇邊樣先好。
我真係好唔掂，再咁落去，唔駛旨意可以醫好隻腳，有排都踢唔到波，仲要跛著來走路。雷仔話我唔好叫「周低」喇，叫「周跛」啦！
文章定位：
