。。。力寶寶農場。。。 肥肥瘦瘦毛毛

16愛的鼓勵 0訂閱站台

在植物園裏面，其中一層種了綠毛買給大隻仔的「大隻花」。養了很多。差不多在頂樓的，橙仔常常都會帶大隻仔去看他的花。
大隻仔很喜歡花，所以，橙毛也非常喜歡他。

幾十年後，因為附近打仗，有一個導彈飛進了毛毛農場，打中了高樓植物園…其中幾層被火燒光了。包括大隻花那層以及羊齒科的那幾層。

那年農場外面打仗了。兩個國家打仗，很麻煩。
毛毛們都和旁邊的人討論。
約了兩邊的軍伐過來和談，希望他們不要打仗。
可是，那次的和談他們都很麻煩，見面就差點就要打起來了。
最後，他們分接見他們。

斑馬那次沒有時間趕回來..他們就自己展開了和談了。

綠毛：可唔可以唔好係我地呢度打仗，因為我驚你地d野會嚇親我地既動物…我地無諗過打仗，我地只係想安靜地過日子。
將軍：唔緊要，我地無諗過打你。不過，我地希望你地可以俾我地係你地農場裏面通過，同埋部署。
綠毛：唔得喔，我地呢度唔可以打仗架。如果你地既人入來呢度，佢地就會入來我地呢度打仗架啦。我地唔想我地既動物有咩野損傷或者受到驚嚇。加上，我地係想保持中立。
將軍：咁即係無偈傾啦？咁你唔好後悔..
綠毛：又唔係無計偈傾既，我地唔係有惡意，我地只有善意，我地想保持中立。
將軍：呢個世界無中立既，你地農場係我地戰略範圍裏面，我地要打仗，你地都免不了要表態，你到底幫我地定係敵軍呢？
綠毛：我講真架，我地呢度咁多個住客，邊度都唔會幫。所以，希望你地..
將軍：咁樣即係唔幫我啦。咁唔好怪我地都唔會幫你..
綠毛有點怒了：你唔好亂來！如果唔係，你地小心後果！
綠毛從來都唔係咁鐘意人類，加上佢脾氣都係比較暴燥。果次無左斑馬係度做中間人….實在唔係一個明智既決策。

就係果日和談不歡而散以後，綠毛就張開左保護牆。
外面既人入唔到來，佢地打過來既子彈等等既野都會飛翻轉頭。
對佢地兩個軍伐來講都係一個唔可以打仗既區域。

不過，呢個保護網裏面有一個缺點。
就係可以擋到地上既野。無人、物質可以通過。但係..
如果佢地向天果度發射導彈的話，則可以從上面掉下來…
因為這個網只是垂直的..為甚麼是這樣..你要問綠毛才可。

綠毛：你整到牆，點樣可以整到頂..唔好玩啦。如果要整埋個頂的話，太陽點樣照入來…同埋落雨點算..我地咪無水飲囉…

就係咁樣，係佢地兩軍戰爭幾年既時間裏面，都無人可以係毛毛農場裏面部署。
而毛毛農場亦設立左一個系統，只有小朋友可以走入來。
間唔時都會有d走難既小朋友走入來避難被綠毛收養。
綠毛亦有時候走出去買野食、買玩具翻來。

那日。
綠毛：橙仔！pod 佳喇！橙仔，你無事嘛？！
因為橙仔的住處在那個植物園裏面。基本上橙仔都會在裏面一個草床上面睡的。

綠毛跑著，很害怕少了一個朋友，一邊跑一邊哭叫：橙仔！橙仔！
其他毛毛也都看了一看天空，見到有導彈飛進來，心裏面也有點不安..竟然那個導彈飛到進來了..真麻煩，要是打中………………….pod 佳！撞左埋去最高果棟野果度！
成班毛毛都走過去。

警察毛：咩事呀？點解會有導彈飛到入來架？
綠毛：嗚…pod佳喇，橙仔係裏面…嗚….
斑馬：喔？發生咩事喔？快d過去睇下橙仔點啦…
巫婆毛：跑快d啦！睇下橙仔點喔..我諗佢無事掛。
惡魔：佢老__丫…係我地地盤果度放炸彈？！想死呀佢地！

當佢地來到左植物園果時，佢地見到植物園50樓左右其中幾層著左火。
火光熊熊….

(待續)
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
後記：
好耐都無寫過呢個故事啦。
近來碩士課程上面既野搞到我無咩野時間可以寫呢個故事。
但係，好多時溫習果時，都會諗到綠毛呢個故事。
當然啦，因為溫書係真係好悶架嘛。所以，成日都會諗其他無聊野。有時候諗到綠毛佢地呢個故事果時，真係好想即到走到電腦面前打翻兩、三萬字。

真係好多架~除左呢以外，仲有綠毛同埋大隻仔佢地一齊玩既往事。
仲有，綠毛仲有好多得意既細路仔~仲有佢老婆呢~
仲有佢地原本果個酒店裏面開會，我都未有時間寫呢。
不過，依家都係補元緊佢地原本既野。

呢個故仔，係好耐之前已經諗到架啦。
我都唔知點解果時會諗到綠毛係有個羊齒科植物園被炸~
但係果時寫力寶寶農場後記果時，係寫到佢地四隻毛都大晒，有d咁樣既事。
果時仲未諗住加埋橙仔警察毛佢地入來。仲有巫婆同埋惡魔其他好多毛毛呢。佢地都係好乖同埋好錫瘦瘦既。瘦瘦第日出來做野都唔知仲有無時間去寫佢地呢個故事咯。

依家有時間，我都了想繼續寫呢。

呢次炸左佢地既植物園，除左羊齒科既植物無左一d以外，仲有肥仔毛果時既大隻仔...
係果個時候，大隻仔已經死左...係一個短命既細路仔。綠毛果時好傷心。
所以，有時候，綠毛會去大隻花果層果度睇下d花，寫下日記，諗下大隻仔。
當然，我諗呢個故仔果時，好彩無諗到綠毛將大隻仔葬係植物園果度...如果唔係..真係地球都凹埋。

下次再寫吧。
(佢話長得滯..要分開兩篇喎...真煩。)