去見了會計師。浪費時間同車費。
之前參加見會計師計劃，諗住想學下野。今日早左到，所以係下面行o下上環一陣。(全部人都衝紅燈 =.=||| ) 點知o個兩個會計師遲到。如果學到野就冇所謂。確實有野唔清楚，咁負責人之前問投資上面有乜問題，我答點樣可以睇到熱錢流入。咁o個D會計師以為我o係o個D投資等同賭博一樣，只懂得買名牌波鞋的人，不停咁說教。話呢個時間應該係讀書時間，阿爸阿媽的錢好難搵，唔應該花咁多落落去云云。天呀~我上面的人係同博士做研究架，我駛唔駛咁勁呀???阿爸阿媽兩日的日本股票賺左已經多過我身家好多...我平時都係專心讀書，冇研究投資。我又絕唔會買股票，更何況更高風險的孖展。我明明有同佢暗示我唔係，但佢又繼續講。但我講絕唔會用信用卡時，佢又話應該要用下，用黎儲積分。=.=||| (有第一次就有第二次...人心係信唔過...) 我問會計野，佢地又答得片面。我問十年後美國退休潮的睇法，佢地又話太多外來因素(加拿大精算師公會講喎...)。問而家日本退休潮的睇法，佢地又話呢個問題應該等你讀PhD時做研究題目(佢知我讀電子)。我真係想知我應該問乜...睇多D書好過同呢D人傾。如富爸爸所說，會計師都係冇財務訓練。(問題係呢個活動係俾大學生一D野...)最後講到南亞海嘯係不可預計時，我心滾但笑住咁問呢D時間應該唔應該o係時間買股票。咁佢地講呢類人要好大膽。咁我答我就係咁，[咁我算唔算大膽?]之後講多兩句就走，其中一個會計師話我都幾outstanding。我唔知out唔outstanding，剩係知同呢D人講野只係俾機會佢地認叻，學唔到野。有時間不如專心讀書同專心尋求神。
其實我有講大話....>_< 其實係海嘯前一兩日買(不過我真係好想窒佢地)。其實初時有點擔心，不過如曹仁超所講，泰國已經係衰到貼地，唔會再差。
========================================================================
08/04- JF澳洲 +25%
12/04- HSBC泰國 +3%
(註:已扣除首次認購費)
========================================================================
力戰心魔：一本用認知科學的方向講投資心理的書。如果想較深入了解行為財務學就值得一看。
========================================================================
我才講完蒙牛，曾淵滄又有類似見解。
"凡是飲料食品企業上市，我總是用我的主觀去評定好不好喝，好不好吃。去年蒙牛（2319）上市，上市前我從沒喝過蒙牛的牛奶，為了決定買不買這股票，特意到超市買一包試一試，覺得味道很好，就決定購買。"
還是要心存謙卑，不然神會將一切拿走。(昨日已經講左一次大話...)
========================================================================
又有人引到我用時間打Xanga政治回應...
有關立法局的問題，我唔講我的Xanga回應，因為之後的五稜鏡有我非常認同的見解(黃世澤)。
1)立會議席不是全部由直選產生，民選議員不能付起執任責任，有缺憾的制度不能反映民意。唯有這樣做才可以將議題由傳媒重點曝光
2)今次[搞事]唔止長毛，而係全部六十個議員
至於英國回歸時有冇野益香港人，我看到以下的禮物：
1)ICAC
2)普通法的法律制度
3)民主制度(最後幾年先有,應視為"炸彈")
4)英文教學
5)多權(唔止三權)分立/制衡
6)法治制度
7)避開文革、三反五反、財主清算等等令香港毀滅的事
8)龐大財政儲備(因地產泡沬而有,可視為"炸彈") (但澳門回歸只是十億以下)
9)生活習慣(e.g.排隊)
10)比較接近現實世界的價值觀
11)聽到前總書記趙紫揚同志去世消息的傳媒自由
12)學術自由、出版自由
13)貨幣自由兌換
14)市場主導(i.e. not 行政主導)
暫時諗到咁多。(其實大部分觀點都係詹德隆講gei~ :P)
文章定位：
