當我地既八十年代象徵人物梅艷芳 , 張國榮 , 羅文 , 黃家駒 , 陳百強離去時 , 亦係開始對我地既八十年代說再見 , 但眼見現時主流吹勢 , 不禁又令人懷念昔日的風光 , 有人話八十年代既歌手先係榜樣 , 亦有滿意地下樂壇既進步 , 但最近有人開始續漸搜索舊日的足跡 , 顧家輝 , 黃霑 , 鄭國江 , 盧國沾 , 許冠傑 呢d上哂神台 , 已經唔需要多去特別歌頌 , 反而令我感興趣既係一班非擁有重大成就而又比起他人付出更多努力去表達自己既"主流異類" , 好既名字例如有夏詔聲 , 盧冠廷 , Blue Jeans , 浮世繪 , 民間傳奇等等 .... 當中以盧冠廷最為 " 經得起時間同文化步伐考驗 " 始終寫自己野係歷久不衰 , 但寫得到打動到你同我既感受就少之有少 , 而且佢的確有好多野係為大眾而說 ....
前兩年有人問：為什麼眾人當年六四事件開始時這麼勞心勞力 , 到事後卻為此事一點發洩的勇氣也沒有 ?
當然 ... 答案你我都知道 ...
但佢可能唔知道事後無幾耐有人已經發表左一張徹徹底底既"事件報告" ...
盧冠廷 - 1989
從唱片封面上代表中國既星星同盧冠廷哀傷既表情已經體會到內容既意義同訊息 ... 包辦歌詞上既人物分別有一直既長期拍擋兼太太既唐書琛 , 一向敢言既劉卓輝 , 有地下另類製作人之稱既張景謙 , 更有為達明一派寫過唔少諷刺時幣既文化界詞人潘源良 ...
曲目上由"1989序"到最後既"1989"就係對整件事既開始 , 感慨 , 憤怒 , 回想 , 反思 , 直到完結等等 ..... 盧冠廷 打做左一張充滿使命感既概念大碟 , 亦係香港至今唯一一張 .... 多少唏噓 ..... 多少失落 .... 多少的怨言盡在呢一個可以幫我地"假口於人"去挑戰尺度既盧冠廷 .... 珍惜眼前人 ... 呢句說話o係15年後先發揮效用 ...
ps：最近睇報紙o係娛樂版頭版講起有關7.1事件見番佢 , 睇落瘦左唔少 , 但睇到佢個樣都健康左 , 無哂以前既滄桑感 , 但一番談話仍然有板有眼 , 仍然充滿傲氣 .....
__________________________________________________________________________
【快樂老實人】
曲：盧冠庭 詞：唐書琛 編：盧冠庭
講出心裡見解 不需多顧慮
附和聲不響朗震盪又如何 豪強人自重
可憎即說可憎 不講謊話
是自信不感到世上做人難 盲從成禍患
快樂老實人 敢想敢當敢說每段老實話
又是數十年 我要每天展笑闊步朗日下
歡喜即說歡喜 不需多顧忌
莫自欺解心困惑莫遲疑 何其容易事
一生爽朗坦率 終生不抱憾
莫自卑不需要背著別人愁
抬頭人自傲
快樂老實人 敢想敢當敢說每段老實話
又是數十年 我要每天展笑闊步朗日下
快樂老實人 敢想敢當敢說每段老實話
來日又是數十年 我要每天展笑闊步朗日下
文章定位：
