問題時間,今年聖誕節,你會同邊個 & 點過? A.一大班人出去hair? B.三五知已搵間cafe or pub 飲野? C.去尖咀 or 銅鑼灣同全世界慶祝? D.二人世界? E.定係一個人o係屋企等人約?
如果今年我唔係將今年既聖誕奉獻o左比MAX Production,以上所有選擇我都唔會揀! 我會stay o係屋企睇一套我鐘意既戲,然後望住個窗同全世界講 Merry Christmans! 之後抱頭大睡! 原因...無人陪囉!
依稀記得三年前我就係咁,之後就同大比過o左兩年好快樂既聖誕,佢係第一個陪我過聖誕既女朋友,我一世都會記得! 今年好以叫做還原基本步,唔同既只係我今年有得番工,有寄托!
其實o係感情上我係一個非常慢熱既人,我唔會咁容易愛上一個人,截至目前為止,我只係愛上過兩個女人,威士&大比!但鐘意既就多不勝數,我有一個見解,我認為我一定要同o個個人拍o左拖一段時間之後,先可以愛佢,我唔怕講我愛妳,因為我係一個講野會負責任既人,只要我講得出,就係事實,我並唔會做埋一D無謂既掩飾!因為如果你真係愛o個個人,你有冇需要咁做呢?
但係o係行動上,我係一個非常敏捷既人!結果點呢?好多好多既錯愛發生左係我身上,如今我只希望,呢D事情唔好再發生係我身上,我唔想再玩,我只想要一段stable relationship!
但係我亦知道呢個希望可以達成既機會好微,好多朋友話如果我要女朋友,唔慌搵唔到!係!我承認!但係真愛係極難搵到,正所謂可遇不可求!更可況我而家仲末可以bulid up 番我對愛情既信心!
有,我都無膽去追,可悲!!
文章定位：
