點解我會去左睇戲架?!＠好日唔寫．有感而發

2006-02-19 23:22:50| 人氣32| 回應0 | 上一篇 | 下一篇

點解我會去左睇戲架?!

推薦 0 收藏 0 轉貼0 訂閱站台

咦?! 今日明明要返工架… 點解會變左去睇戲架???仲要係睇驚慄片喎~

今日一早起左身，要返工呀嘛，要去西貢同班小魔怪BBQ!!
好辛苦咁咪暖烘烘的被窩中爬出黎，個時已經知應該會遲到架啦。唔好誤會，我好少遲到做野，今日係約左「型人」(嘔!)食早餐遲到即。

出門口仲好有禮貌咁SEND SMS俾型人話我會遲，點知俾佢「又」屈左請食早餐，唉~算吧啦~

點知出到，型人話我知我的好拍擋話「因天雨關係，要取消活動」=o=!!!!!!!
點呀，天文台都話今日會落雨架啦，唔一早話取消? 要班小魔鬼返晒學校先話取消? 要本公主咁辛苦爬出被窩先取消? 要我請完人食早餐先話取消????
好嬲!!!!

突然多日假，又唔想咁辛苦出左黎又就咁返屋企喎，所以就同型人出左旺角啦。一早咩都未開門，又冇地方去，又好辛苦咁HEA左一個鍾，終於去左睇戲…
去到戲院，D戲一係佢睇左一係我睇左，再唔係就大家都冇呢個意慾去睇，最後我唯有「犧牲小我完成大我」咁同佢睇左套驚慄片--「犀照」!!!

講真，驚又唔係真係好驚，不過以一向唔睇呢D片種的我黎講，夠架啦，唔係因為佢想睇?!我先唔會去睇囉。都唔明點解我識親D人都好鍾意睇呢D片~~~~

套戲最好睇的，唔係特技/劇情/化妝/演員.....而係個小朋友，做得好好。而家D童星，點解咁勁架? 但係大個左，通常又唔會紅得起喎…真慘!!!

另外，點解我睇親戲都遇到D咁得意o既事架：每當一到戲情較靜的幾幕，後面對中年男女，都一定大大聲咁係到討論劇情。點呀師奶，屋企睇電視呀?咁多野講，間戲院你架????
做人要有品呀~

我要檢舉

台長：硬朗公主

人氣(32) | 回應(0)| 推薦 (0)| 收藏 (0)| 轉寄
全站分類: 電影賞析(電影情報、觀後感、影評)

回應(0)