Jack For You JACK從不玩啥『哈XX』的遊戲，也不喜歡搞八卦! 但JACK仍盡量從客觀的角度，適當的提出個人的見解；讓大夥兒有從另一個角度，了解社會的現況。 此外，各項的藝術文學，也是JACK的柔性訴求，冀望能使大夥兒的生活更加豐富些。 無論你or妳對JACK有任何的想法or意見，誠摯地歡迎您多多留言，在此先謝過啦!

87愛的鼓勵 0訂閱站台

阿玉～一個客家輔娘介宿命

 

 

   四千多分鐘介毋敢闔上雙眼，加上乜毋知所措介低氣磧中，嘉玉看著全身插淰管仔介大孻仔阿明：「天公伯保佑哦！祖公祖婆庇蔭哦！」嘉玉佢心裏祈禱著。

   「恁這個濫貨！分崖放開！」嘛毋知幾多擺了，咈了過量介安眠藥，在被送上救護車介時節，根本聽冇阿明佢在亂罵麼介：「救人哦！治人囉！」聽入嘉玉介耳孔裏，正經比擎刀子來割佢介肉還痛苦！
   二十歲嫁人，三年冇滿就堵著老公慶吉「去蘇州賣鴨卵」忒介嘉玉，係挺認命介客家輔娘。佢總係將當年嫁人時，阿姆交代介該兜話，牢記在心肝：「阿玉啊！聽阿姆介話，恁嫁到人家家裏，就要聽人家介。嫁雞跈雞，嫁狗跈狗，嫁猴仔滿山走。乖乖地做人家介心舅，知毋知？」

   為了對得起佢那今生無緣介老公，煞猛打拼，嘉玉也食了當多介苦扶養兩儕細人仔長大。本來係想說，阿明大學畢業做兵回來，過等細孻仔兩年後，至少也算了了樁心願。實在冤枉，死禾做一束，衰家做一屋—阿明做兵卻做出神經病了！

   連細學全部做下冇畢業介嘉玉，過宿命嘛驚過丟了個心肝寶貝：「崖正經不敢希望麼介，只愛阿明佢醒過來就好了！天公伯，汝就大發慈悲，救救崖介孻仔啊！」佢彷彿回到當年慶吉躺在病眠床介場景：「慶吉，恁千萬做不得丟下崖一個婦人家和兩儕細人仔啊！」恐懼介陰影，就像鬼魅附身共樣，讓嘉玉連噭都毋敢……

  大概係天公伯看在嘉玉佢二十痠軟痛暑的災過上吧……好不容易也捱到了阿明終於食力地睜開了目珠。嘉玉連忙回過神，細細聲仔喊著：「阿明，阿姆在這位！」這時節，嘉玉介眼框卻毋知樣仔地竟濡濕了……