由於星期日(21/3)唔使返工,我終於可以係呢晚食到3個星期以來的第一餐住家飯啦~今朝本身諗住會準時返到9點半堂既,但係又係神推鬼擁下,結果9點15分先至搭到小巴,不過都好呀,可以準時上到10點半既中國社會堂~
之後就順順利利上到4點鐘普通話就落晒堂啦,正常日子我通常都會係呢個時候出街既,但係今日唔同,因為今日係辛世文杯!
乜野係辛世文杯呢?辛世文係我地science faculty內一個professor的名字來架,而呢個杯係一個足球比賽,係比sci fac的學系/課程去爭既~而且重設有男子賽同女子賽添.
本身呢一日我要返馬會工架,重係返6點15分,而之前以為我地係踢6點鐘,所以層一度寫過唔踢架,但後尾由於因我地唔係咁夠人所以我請左遲個幾鐘返工,所以就可以順利參賽啦.
不過今日落到去先發現原來我地男女子係同時間開賽架喎,即係都係踢5點至6點既.
算吧啦...當係俾自己他條些啦~(預想中)
我地男子係對BIO,而女仔就係對MBT既.由於同時間開賽的關係,我地唔可以睇住班女仔踢來睇場,佢地又唔可以睇住我地踢來打氣...
其實我地上個星期五特別同班女仔躁過踢波架,老實講我覺得佢地踢得唔算差添架~
正式開波啦,我亦係打返我慣常既後防左閘位置.唔知點解中大個足球場的草越來越少,草場變成沙場咁濟...所以個地下好跣好易企唔穩...由於想爭取入波,我既助攻次數都唔少,而因此造成我既再一次悲劇...話說我後上出擊,後面斬個波上前,我就衝前接應,但係個波去到對方龍門五五波位置我於是就飛鏟射波.......球,被龍門出迎擋到;我隻大脾,變左鮮血色....不過呢o的傷通常都係踢緊時唔覺,所以我就一路踢落去啦...後尾我地失左一球先,咁我地咪想係半場完前追返粒啦,我又試衝擊對方啦...點知去到對方禁區我俾對方龍門一腳摳落來我咪成個跣左係度囉...竟然俾對方話我插水喎!無奈呀...火都來...換邊後我都有少少打到躁..有次俾人mark時一個橫邊槌打埋來我咪滾囉...雖然我知佢唔係有心,但係佢條茂利隊友好多嗲..所以就同個條友講手啦...不過佢同我sa晒lem..我都知自己唔o岩之後都有同佢講返唔好意思....
我地最後輸左2比1....賽後怨恨自己的把握力點解會咁差!......
而女仔個邊都輸左2比0,不過佢地好似玩得好開心所以無乜所謂~
由於早左一個鐘完場,所以我又繼續同班唔知乜野人踢多一個鐘....
之後換返條牛仔褲時先知乃野....個傷口俾條褲磨到超痛...但係我仍係要搭的士去馬會返工...3點收工..隻腳好痛呀......
文章定位：
