好怕喺大庭廣眾喊 無計 真係忍唔到
但喊得好拘謹唔夠痛快
話哂…畢竟係星期六既又一城~
唯有忍痛將投入度調低30%
不過套戲一播完開燈 四周都係眼水鼻涕面腫女人(甚至男人)
我地都未算係喊到最烏where果「炸」
一散場全院女士們即衝入洗手間執番齊d眼耳口鼻...
本人少少忠告:
女士們想去睇<野蠻師姐>又有搽開Mascara的話
切記: 一定要搽waterproof果隻!!!!
<野蠻師姐>前半Part好Sweet 亦有唔少笑位
但後半Part起碼喊五丶六次 仲要一次勁過一次
全知賢喺殮房瞓喺張赫遺體隔離勾住佢手指尾一幕 真係令人心痛住黎喊
尤其係張赫死後第四十九日回魂返屋企搵全知賢講Bye Bye果Part…小心喊到dehydrate~
之前d喊位都可以就咁流吓眼水算…回魂果Part真係…大家狂喺手袋摷tissue…
生前為保護個女朋友自己死
死後繼續守護住女朋友唔俾佢自殺唔俾佢受傷害
「我死後會化成風保護你」
仲有每做一件小事如喺每一頁書角畫公仔、
油白d琴鍵加張寫住「我想再聽你彈琴」既紙仔等都好Sweet到成個人溶左
有個咁既男朋友…嘩…仲要幾型同幾cute添…你唔好死得唔得呀?
張赫臨去前預言會有另一個男仔出現 我都估到八成都應該係「果個」男仔啦…
果然~ 「果個」男仔Ending時一出場全院都勁興奮~~~
張赫個「E牙鬆槓衰樣」亦係本片必留意項目之一
比<火山高校>中日本仔校服打仔造型少左幾分cool
但今次呢個絕種好男人角色實在太令人感動~~~ 俾10個【正】佢
全知賢除左靚靚(完全無化粧都勁靚)之外 演技都好好…
張赫中槍同喺醫院死果陣 全知賢真係交足戲…唔係淨係一味摑人踢人同砌人~
咁當然如果我係男人既話 有個全知賢咁樣既女朋友 日日被佢毒打又有咩所謂?
之後喺又一城行街街…我地三條友堆入一間fitting room試衫嚇死個Sales…笑死
行左一陣之後桑記要返返學校
我同娜姐想飲野…又一城一大缺點---無Starbucks~~~
居然連Pacific Coffee都死埋…=.=
終於都去返Log On Cafe食
本來一路都冇買野…去到i.t….終告失守~
我的shopping宿命: plan to買一樣野(例如手袋)永遠買左第二樣(衫)
呀呀呀呀呀呀呀呀呀呀~~~~ 今集
有Fab 5客串呀!!!
見番果五隻衰野真係勁驚喜!!! 掛死人咯~~~
