24h購物| | PChome| 登入
2006-04-05 14:37:36| 人氣25| 回應0 | 上一篇 | 下一篇

升哥！愛GAME如命，抽GAME大過天！

推薦 0 收藏 0 轉貼0 訂閱站台

顏升真係一日冇咗部電腦都唔知點算好，日玩夜玩，同枱神棍都唔係淨一次講佢咖喇，佢當耳邊風都冇計。
有次神棍問顏升你諗住第時出嚟做咩，顏升就話：「做網吧管理員都唔錯啊！」
「你唔係嘛……」虹姐喺隔籬聽到都嘎嘎笑。
「喂！真係唔錯咖啵，又有電腦玩喇，又冇乜嘢好做，幾他條啊……」顏升好認真咁講。
「你真係毫無大志呀！」神棍話，「你要做啊，都做個網吧老細喇！」
「咁我諗住我細佬將來出嚟都做網管，唔係幾好咩？」
「你自己想做就算喇，仲拉埋你細佬落水？！自身唔正，教人唔聽啊！」神棍話佢上樑不正下樑歪。
「唉，算吧喇，有其兄必有其弟，兩兄弟都一擔擔嘅！」虹姐突然搭訕，「啊，不如你做網吧老細，嗌你細佬做網管乜得囉！」
可以咁講，電腦就係顏升條命，冇咗電腦就冇咗佢條命，咁講真係一啲都唔誇張。
顏升都唔知係唔係成日挨更抵夜，抽機到點零兩點，上課成日話只眼痛。
「好心你喇，眼痛就唔好玩咁多電腦喇，真係要你死都繼續玩咖啵！」神棍話。
「琴日我已經好早就瞓喇！」
「終於冇玩電腦喇？」
「先玩咗兩個鍾咋！之後叫細佬幫我打。」
「……」神棍都唔知講咩好。
「我平時玩五個鐘好唔好，我今次玩兩個鐘已經少好多喇！」顏升講到都唔知幾理直氣壯。
收尾終於玩出事，請咗假冇上堂。本以為顏升下晝都唔會嚟咖喇，點知佢話係佢阿媽嗌佢返嚟上堂。
「如果係我就點都唔返嚟喇！」神棍話。
「邊個想啫，係阿媽叫我返學嘅好唔好！」
「點解啊？」
「就咁我喺屋企無聊啊嘛，咪玩電腦囉，咁阿媽就話你既然玩得電腦只眼就應該冇事喇，所以叫我返嚟囉。」
「你明知眼有事仲玩電腦？」神棍問。
「得左眼痛咋嘛，遮住左眼咪得囉……」
「……你真係得了你……」

我要檢舉
台長： 嘜芝高 士的
人氣(25) | 回應(0)| 推薦 (0)| 收藏 (0)| 轉寄
全站分類: 校園社團(社團、班級、校友會、同學會)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文