Day 10.
今朝有一個上午留响"札幌"...朝早起身.....例牌响酒店食埋早餐...跟住就去參觀啤酒博物館...去到博物館....本來佢地有導遊帶我地既....but剛剛有個台灣團...佢地為左方便起見....於是將我地join落個台灣團到.....一齊參觀....
點知剛剛開始....本身係個台灣團既台灣導遊(以後簡稱"八婆")...以為我地係白撞既...想"癡"佢團友D金"康"....個八婆問我地邊到既...我話我地係香港既....係博物館D服務員叫我地join呢個團.....跟手個八婆唔信...走去問D職員.....人地話係...跟手佢就無聲出......
打後因為我地每人有部錄音機....有英文講解....so 打後我地都無join到個八婆個團....自己行...
參觀完....本身可以响個到有半個鐘任試佢地既啤酒,汽水同小食(係免費既...連個參觀團都係免費...D o架仔都真係十分唔話得ga....so我都唔知個條台灣八婆驚D乜)...但係晨早留留....飲乜鬼啤酒ar...狂飲半個鐘....打後成日仲洗行既....so 我地就咁諗住走....點知個服務員小姐見我地無試飲到...就叫我地响門口等....自己就急急腳咁就去攞左D汽水俾我地做手信....仲有小食tim....你話幾唔話得ar.....
跟住响啤酒園四圍逛下....大約hea 左個幾鐘....就決定返去札幌站附近....逛下附近D商場同百貨公司.......
到差唔多夠鐘....就返酒店攞行李(酒店响札幌站附近)....去搭JR落函館....lunch 又係買便當上車食....
札幌去函館....搭特急火車都要三粒鐘....去到函館....先去酒店 check in....跟手搭當地既電車周圍逛....什麼碼頭區...西波止場...紅倉庫....逛到咁上下....跟住某網上推介...返去酒店附近一間食店....食左個刺身定食....好好好新鮮....極好食.....然後就搭電車去函館山腳....準備搭纜車上"函館山"睇夜景....
去到纜車站....人頭湧湧....好彩唔洗排好耐隊就可以上纜車....一上車...個個都爭住去窗邊霸個靚位......其實車程都幾短下...頂盡五分鐘左右就到山頂....上到去....好多好多人....有手信店....有餐廳....有D似太平山頂....
同埋上到去....天已經黑齊....加上又ok 大風....so 都幾凍下....响山頂望落去....函館夜景都ok震撼....真係幾靚....話曬佢都係世界三大夜景之一...同香港及意大利拿不勒斯齊名.....
影左陣相....就諗住搭返纜車落山....點知....勁多人排隊....我地買左來回票....無辦法....焗等....落左山....就走去附近D教堂影相....因為D教堂夜晚著住射燈...整到D教堂ok 靚....我地去影相個時....都見到唔少日本人帶齊"架生"去影D教堂....
跟手走左去間"超市"逛....例牌買下零食...宵夜咁....跟住就返酒店la....
Day 11.
晨早七點幾起身....去逛出哂名既"函館朝市"....其實我地間酒店就响朝市附近....so 行過去都ok 方便....
去到朝市....周圍都係海鮮檔...勁多海膽, 魷魚, 帶子, 蟹....尤其是係蟹....真係多到唔識點形容.....同埋响朝市入面有好多食堂....專食D新鮮刺身飯....
但係晨早留留就食刺身飯好似唔係咁好....加上又budget有限....so cancel左呢個念頭.....
點知轉個頭....見到街邊D 燒海膽同燒帶子好似幾好食....就咁...每樣一人一隻.....朝早食燒海膽同帶子做早餐....我咁大個仔都未試過...行完朝市....再返酒店食埋個免費早餐.....因為仲有一陣先夠鐘搭火車返落東京....so 上房瞓左埋....到差唔多夠鐘....就去函館站搭火車落東京....
函館落返東京....又坐左八個鐘....lunch 又係食便當....去到東京...即轉"山手線"落新宿....去酒店check in....跟住成晚就响新宿四圍逛.....dinner...因為覺得朝早食海膽帶子做早餐太折惰.....夜晚就去"松屋"(即係大約香港既吉野家)食牛肉飯.....
Day 12.
其實都係响東京四圍逛...無乜特別...去左個outlet...去左銀座...澀谷...晚飯响澀谷食迴轉壽司....100yen一碟....最抵食係海膽壽司...兩件...D海膽都係跌出黎...都係$7....狂食.....
Day 13.
又係响東京四圍逛....六本木...上野....淺草...黃昏左右就搭返新幹線落大阪....去到大阪已經十點幾.....
Day 14.
大阪掃貨日...日本7月開始減價.....so....心齋橋...梅田...大阪電器街...堀江...一整日購物日...無乜特別好寫....
唯獨係夜晚....返到酒店附近食拉麵....例牌影下D食物....食完...跟手出門口影相....夜晚...有閃光燈....點知一影完....有個日本中年女人衝左出黎....捉住我隻手....購左一大段日文....我估佢既意思係話我做乜偷影佢....要我拆菲林....大佬....我部 Digital Camera....邊到有菲林ar....講講下有個老年男人出埋黎...夾攻我....佢地係咁講日文....我就係only識講一句"我係香港人"....我係咁講D簡單英文...佢地就係咁講日文.....大家九唔搭八....我又死都唔俾部機佢wor.....講講下...我講左句"call police"....o意...點知佢地又識聽wor.....跟住個女人又講左句"police"....然後仲作勢去搵police tim....
點知個男人一聽到call police...就拿拿臨折左架的士...扯埋個女人上車....o雪一聲就走左...我就企左响到....好似發左場夢咁.....(其後我估計個對男女應該係出黎偷情....以為我係偵探影佢地D偷情相...)
打後我拿拿臨返酒店...房都唔敢出...我驚佢地搵D黑社會砌我..你知日本D黑社會幾喪ga la...無la la唔見左隻手指就唔抵la...我仲要打波ga ma.....原本諗住襯last 一晚...去試下玩"波子機"....就咁就無得去la....
Day 15.
其實都無乜野可以做.....2點機....12點要去機場.....食完早餐check out埋...已經10點幾....跟手就要搭火車去機場la......
去到機場....check in左....fuck....行李過磅....無la la要補10000yen($730)....shit la....check完in....見仲有時間....去左機場隔離個 outlet最後掃貨.....點知咁就差D奶野.....
去到outlet....其實得返半個鐘左右....行完...搭shuttle bus返機場....已經1:55...已經知奶野la...班機兩點鐘起飛...但係因為我地由香港黎個時班機delay左...so我希望佢會delay 一陣la...
拿拿臨過關.....過關時已經有地勤大叫"Any Passenger to Hong Kong?"....我即刻大叫"YES !".....心諗"真係奶左野!!"....過左關....沿途有地勤帶住我地"狂奔"...去到閘口....成村工作人員等我地最後上機....勁唔好意思.....臨上機又要俾人檢查一輪....跟手就上機....安安全全返到香港.....(搭緊飛機個時諗....好在check in左先....班機等埋我地....如果唔係....就真係要送機尾....到時就唔知真係會點....)
就咁.....15日既日本之旅就完左....返到黎一大堆card 數等著找....宜死期就黎到la....
但係...其實我去之前都預左會係咁....無後悔....話曬已經係 last 一次....so ...無所謂la....
-------------------
下個禮拜終於要返工.....但仲未決定返邊份好.....一係就無人請....一係就幾份一齊請....三年前係咁....宜家又係咁.......ai....
無得再 hea 落去....讀書生涯終於要完結........
文章定位：
