尋日打左04年既第一場War-game...0係大帽山"田夫仔"玩....遠到呢...可以用"攀山涉水"黎形容.....坐車都坐成個半鐘....簡直攞命.....
去到後...個場又麻麻...班所謂英軍(對手)又勁麻煩...成日呢樣個樣...又出小動作...打左一個上晝...最後大家不歡而散....如果有下次...唔駛錢都唔同佢地玩...男人之家咁鬼麻煩....大家係盟軍都係咁話...(我地係英軍+美軍既...我係英軍~~~)
下晝我地自己人玩.....不知好幾多......最慘就係玩左一陣就落雨....跟住就係咁落...無停過....咁就完la....前前後後夾埋其實玩左半日左右....勁唔底....
尋日冰君跟左我一齊去玩....其實佢仲爛玩過我...但係又唔肯買槍...正cheap哩...班戰友全部以為佢係我女友...哈...成班男人...得佢一個女仔....下晝我地自己玩時佢地成日要佢做人質...俾佢地俘虜....勁攪笑...哈...
我諗不出三日...我有新女朋友呢個謠言就會傳片我既舊同學界...因為隊友+好友之一...阿"艾石"兄...既女友出名"七加一"婆+長脷....聽返黎既野佢可以講到係佢親歷其景咁....諗起下次舊同學出黎食飯...將會俾人圍起攻之...就真係頭痕....
開始落雨後天氣開始凍...尤其是搭車返歸時....個山又大霧...又凍...勁攞命...
本來諗住打完game 可以返屋企放底D野...沖過涼先返阿嫲到食團年飯...廢事俾D親戚見到我著到成身軍服...佢地實會問長問短....
點知好衰唔衰...可能因為落雨...間死人車遲到...諗住可以六點幾左右可以出到MK...事實係成七點半先出到去....攪到我趕唔切返屋企....
迫住我背住成袋equippment...返阿嫲到食飯....入到大埔都成八點幾....Shit...好彩佢地仲食緊.....
跟住真係俾班親戚問長問短....最慘係阿嫲問我咁大袋野...係乜野黎gei...我最錫係佢...話佢知係槍黎gei...實嚇死佢ga ma....唯有話佢聽係玩具黎既....跟住佢又問我拎住咁大袋玩具做乜....攪到我俾班表妹0係到勁笑....唉...
---------
黎緊呢個禮拜日有比賽....今日夜晚返左Poly練波.....因為落落地雨...又勁凍...得返十零個0係到練....練完跟手同佢地一齊出去食團年飯.....人少左...但係好似仲融洽左....團年飯係要食得融融洽洽咁...咁先似係團年ga ma....
文章定位：
