第二日, 倒塔咁早7點鐘就morning call,仲要7:30落到去食早餐o 我一起牀就以九秒九的速度洗臉刷牙和換衫, 出來時Aki 都話我快o點知當我哋執拾行李準備出房門之際已經7:45分了, 此時領隊打電話來叫我哋快些o我同Aki都懷疑個morning call 係遲咗叫我哋, 無理由會挍咁耐o
食完早餐後就去泰式皮具城, 果度有好多皮革, 有鯊魚皮, 象皮, 鱷魚皮, 最恐怖的就是鴕鳥皮o我哋對呢啲皮草一啲興趣都無, 覺得攞動物的皮來做皮草實在太殘忍和不人道喇!!!見到啲皮草, 我便聯想到如果健健啲皮被人整成皮草, 我一定會勁傷心!最挍笑的是有個太太手多多摸條假鱷魚, 我企佢隔離, 興叔突然在後面拍佢,仲要配埋 ”及”一聲tim, 嚇到我哋彈起o之後就去燕窩専門店參觀, 果度啲products唔太吸引, 我同Aki行咗個圈就落咗樓下間餐廳食杏仁燕窩, 超級正斗呀!
跟住搭咗成粒鐘車去”奇趣老虎仔樂園”, 到達後就食lunch, 食完後就入去 ”虎穴”探險o 首先同隻老虎仔影相, 全團得我哋兩個夠彊影ja, 當 “羅乜”們放隻老虎仔在我哋身上時, 牠不斷抓來抓去囉, 嚇得我哋大叫起來, 又要笑住影相wor, 真是吃不消啊!之後行行吓興叔無端端叫我Carmen, 我呆了起來, 因為好耐都無人咁叫我喇, 同埋無諗過佢會記得我o
當我還來不及應佢時, 佢又說: “知唔知點解我會記得你呢?係因為你係成團最靚女的”佢講完便走了(興叔, 不要玩我啦, Aki 姐靚好多)o
然後就睇一隻叫Barbie的豬計數, 條條都啱, 好叻呀!又睇豬賽跑, 快到同狗有得fright o之後就是自由活動時間, 我本來懷著靚靚的心情去同袋鼠和鹿影相, 點知隻袋鼠仔太不識趣, 斗膽在本小姐條裙上 ”救火”, 好在我見勢色不對便立即抱開佢, 不然災情就更加嚴重了o 俾隻袋鼠咁挍法, 乜mood 都無嗮, 咪快快趣同埋隻鹿影完相便立即返旅遊車換裙, 有史以來最早上車的一次o
再搭去GEMS珠寶成, 果度啲寶石雖然好閃, 但款式太mature, 不太感興趣,o 啲sales 個個都好似保鑣, 你去邊佢哋就跟到邊; 當你停低望一望時, 佢哋就立即攞嗮啲珠寶出來, 這樣的服務態度未免過份熱情吧? 行完後在café見到興叔, 佢叫咗兩杯果汁俾我哋, 飲完後坐了一會便再上車了o
搭到去Pattaya附近的Elephant Garden 就停了下來, 我和Aki 一下車便立即跑去騎大象, 回頭一望, 原來成團人又係得我哋兩個玩law, 但唔理咁多了, 照玩o 我哋一上象差點PK, 又喺度大叫, 個象伕就勁無奈咁忍受我哋 ”轟炸的” 尖叫聲o 啲象的便便勁大 ”督”, 跌咗落去, 沖十次涼都唔掂o Aki仲睇到隻大象排毒, 我就無呢個眼褔了o唔知係咪黑開有條路呢, 我落象時把扇跌咗落去督象糞隔離, 本來諗住唔要, 點知個象伕好好人叫隻象幫我拾起, 証明我同把扇仲有緣啦o 騎完大象後, 就坐在另一隻大象的象牙上影相又飲咗個椰青便搭車去酒店, 沖完涼就食晚飯o
餐飯本來幾好味, 但可惜又係同果兩條 “磨碌” 一張枱挍到無乜胃口o最攞命的是有人話高果條似姚明, 簡直反胃o 雖然姚明在我心中已不算靚仔, 但起碼好樣過果條 “磨碌” law o 見到佢得戚個衰樣, 我同Aki都不知幾想一鎚打落去o 跟住啲團友就估佢哋幾歲, 個個都估佢哋至少廿幾歲, 但佢哋話自己十五六歲law, 節省點吧! 以佢哋那副尊容, 估廿幾歲已經俾面佢喇! 十五六歲 ?我信, 智商丫ma>_< ?佢哋仲衰到燒埋我哋果叠, 叫啲團友估我哋幾歲, 關你乜事wor, 總之一定細過你, 放心!!! 好彩啲團友俾面, 個個都估我哋十六七歲, 咁又係事實(=o=)hoho~~~
食完飯後, 搭車去Mike, 臨落車時興叔問: ”邊個想買生果呀?”
全車得我同Aki 舉手, 興叔又問: “邊個想請我食生果呀?” 我哋又不約而同地放低手, 興叔就話: “你哋有無挍錯呀, 唔請我食!” 我哋當然狂笑啦o落咗車後,有啲團友就去咗睇sexy show , 我哋就去咗行Mike, 買咗好多手信&正嘢, 勁開心 ^ ^ o 行行吓Aki 發現兩個同學仔, 但無打招呼o 我直頭唔認得佢哋, Aki 講講吓先醒起在學校見過幾次o 呢個世界真係話大唔大, 話細唔細o 唔想撞到的,在他國也可撞到; 想撞到的, 在香港都撞唔到, 真係諷刺……
買完嘢之後, 就去幫襯興叔的生果檔, 見到佢那位99.9%的未來老婆, 買咗勁多生果, 有紅毛丹, 生竹, 芒果, 仲有個好好人的團友送咗半個 ”羅右” 和一個番石榴俾我哋o 返到酒店, 我哋一邊睇Disney channel , 一邊食生果餐, 雖然很累, 但都不敢早”訓”o 因為興叔話在芭堤雅早 ”訓”會被落降頭ga, 但佢無解釋原因law o 最後我都頂唔順, 捱到1:30am 就訓著了o
文章定位：
