冰點 這裡開始被人遺忘,我知道讀者不多於五個。對於新相識的人我不敢透露這網址,我害怕給近乎陌生的人窺視我的世界。

105愛的鼓勵 0訂閱站台

好耐都冇試過咁早返屋企,終於再見到美孚西斜喇。

呢幾日都好開心,係呀,我買左個mickey門攝喇,算啦,0係frankfurt冇買到,0係hk買返當補數lor,本來想買donald,但donald冇mickey 咁靚。

琴日上完paul wong堂,同頭兒去左唱k,我地發左顛,唱左3次 “勇”,兩次 “飛女正傳”同埋 “咬唇”,就係為左睇吳彥祖。唔知點解,平時唱呢d歌見到daniel都冇咩野,但今次…………其實我又唔會特別鍾意佢,可能身邊太多人like 佢喇,攪到我都對佢有好感。我能斷言冇人會覺得吳彥祖係差既!

前兩日收到post office寄嚟叫我去攞parcels,0係berlin寄返嚟既手信終於平安無事喇。但係canny, ceci同琛0個d仲滯留0係frankfurt 度……真係有d worry> <同alison講電話,原來佢上個tue甩我底係因為佢食物中左毒,而家都未好返哂,所以我地firm左下個thur先去食芝士火鍋,唉,希望事成啦~~

我要講下alison0係berlin寄俾我0個份禮物先,就係我upload左0係dairy既德國士兵喇,好德意,個士兵可以一分為二嫁,可以擺d類似香薰爉燭既物體落去,所以大家見唔見士兵個口係有煙出嫁~~~~

今日好似特別稱心,blue cross出左張cheque 俾我喇,總共claim到$3680,景儀話我個新電話又返嚟喇,因為佢話呢個數就好似買左個新款電話但唔見左咁。呵呵~跟住上lecture0個陣又收到agent個電話,話盈暉台有補習介紹,P1 $60 個半hrs,差唔多喇,一個week兩日,arm arm係補死0靚仔之前既時間, gd fit~~計計下,我又回復以前既收入喇。但突然間我又好驚,忽然咁多好野出現,會唔會好景不常嫁,可能補補下個家長話唔適合,or sth like that………..

唔理喇,我今日都係不顧一切咁買左件T同埋俾左300蚊丁千金幫個買patrick cox散銀包~~

仲有呀,琴日收到robert個留言,佢終於reply我喇,佢叫我俾個tel no佢,再約時間睇相喎~~

有時又唔係但求日日都有賞心樂事,只要無驚無險就已經好好喇。

頭兒話我今個week懶散左,平時d assignment好快就會做起,但今次…….
呵,因為我覺得我做得切丫嘛~~

原來好多人都靜靜雞睇我dairy又唔留言嫁…………juli,其實我都不時有偷窺你0個個,不過你都唔係成日寫既。

*今個week電視好多野睇,又有瑞典旅遊特輯,jsg又有 deep, 清宮秘檔又有曹雪芹, 好野~