【瑩之手扎】 我要將生活點滴一一記下來 要成為將來回憶的一部分

67愛的鼓勵 0訂閱站台

尋晚10點幾收到屋企電話，心感不妙，因為剛剛先同媽咪傾過電話無理咁快又搵我ga?!唉....原來真係被我估中左，嫲嫲情況轉差，媽咪要我通知細佬即到醫院，由於我唔係咁方便去，所以一直只可以係屋企等電話，係個半個鐘我真係好驚，坐立不安，好想快d 知道消息......

終於收到電話，情況轉向穩定，不過媽咪問我想唔想過黎，我當然想啦.......恨不得立刻過去，由於陀住阿b ge關係都係要問下奶奶意見先，幸好可以去探病，等老公放工返黎就立即過去醫院，一路上心情都好沉重。

去到醫院，見到個個都圍住嫲嫲床邊，當我行過去握住佢ge手，忍住眼淚叫左一聲:"阿嫲!"佢望住我同老公微笑，果一刻心情真係好複雜，係握住佢ge手時候，阿b 都好似感覺到佢不停跳我，之後同佢講我快將做媽媽ge 時候，佢望向床邊對住我阿爸笑，果一刻真係鬆左一口氣!!!其實除左係身邊陪住佢都唔知可以做得d 咩，希望佢可以快d好返，等待阿b ge 出世...........

返到屋企已經凌晨3點幾，但一d 睡意都無......心情仲有d 難過....................