我都唔想,我知我d朋友已經覺得我好煩,冇野做就搵人出去,左痴右痴阻頭阻勢...
或者覺得我扮傷心懶可憐,或者覺得我又醜又弱又冇用,或者覺得我博人同情做悲劇少女
咩都好
我真係好掛住阿婆
佢走o左就快一年,我日日都諗起佢,差唔多隔日就掛到喊
見到屋企d人咁又好嬲,企o係神位前面就自言自語
行過以前同阿婆行過的地方,又諗起d情境
由其果條隧道,連行得慢d我都諗起佢入醫院果日之前同佢慢慢行去飲茶
我係好知自己做緊咩,我試過開大音樂大大步行,甚至跑返屋企
我試過一諗到好傷心就係咁call人出去飲飲食食去玩
我試過兜個好大好大o既圈行返屋企
我試過入到二樓咩都唔望裝注香就衝上房
試過喊到失控,自己睇唔過眼就係咁打自己,係咁撞個頭埋牆,於是帶o左個幾星期帽...人地問我做咩仲要笑笑口話仆親...
好似好好笑呀可....我都好睇唔起自己......真係好無能
居然用d咁治標唔治本o既方法去逃避....係呀!!!呢d就真係逃避喇!!!
其實我知點會好架
如果有信得過o既人,肯聽我講下我同阿婆o既事,坐o係隔離俾我喊一晚,比幾句安慰...
我初初以為可以同老豆講,但係見佢比我更加傷心,食親飯都鼻紅紅咁...我真係講唔出口.我返親屋企都講d無關痛癢o既事tum佢地開心,攪下笑扮下小醜,我想佢地開心d,但係我自己都唔開心,點令佢地過得好?
又假又冇用o既人....
我都係沉落去喇.........
文章定位：
人氣(22) | 回應(0)| 推薦 (
0)| 收藏 (
0)|
轉寄
全站分類:
不分類
