昨晚(24/3/2005)參加了受苦節前夕聖餐崇拜。
原本冇諗過去的，但元光(我朋友)"引"我去唱詩班，所以我就去0左喇。可惜我冇帶相機，否則我會自拍幾張詩班袍靚仔照哩~~~
原本我邀請阿Jay去0架，最後都係話唔0黎。(冇計啦，人0地話好，咁我都唔夾硬要佢0黎喇，只希望佢好好休息啦。)
阿Jay冇去參加崇拜，我有小小失望，始終覺得缺少0左甚麼似的。我曾經為呢件事求主應允，主最後都冇預備阿Jay0黎。我相信主咁做係有原因的，而且係為我好的。小弟未必完全明白，但依我愚見，可能係我會將注意力放在阿Jay身上，而唔係放在主那裡 (笑)。(我心諗，如果妳突然出現，我會感動得不得了。)
主，sorry~~ 我真的未夠成熟呢，求你改變我。
今次崇拜令我好感動呢。我心一直反省："主啊，你為何受苦？"。當主耶穌對門徒話："你0地中間會有一個要出賣我。" 眾門徒都問耶穌："主，是我麼？" 主話："係呀。" 我信主之後依然軟弱犯罪，原來我都有份釘主耶穌上十字架的。主為我受苦流血，甚至為我死，我仲可以點呢？我可以做的係俯伏敬拜，並全心全意愛上帝。
主，若你願意，我便有生命繼續同阿Jay相處，再約佢。主，我原本唔識相處之道，有主教導，我懂得一點喇，求主帶領我關心她。
Lord, these are all my wishes. 但是願照主的意思成全。
文章定位：
