由於唔駛返工，所以多左時間睇電視，竟然又迷上前幾年俾我一路睇一路鬧既創世紀，唔知點解硬係要係重播先特別好睇，至開心係唔止我一個咁白痴追看，原來仲有好多人睇ga，仲有一班蒲精俾我係咁煩下都寧願留響屋企追~~~
原來套起至少做成4個幾5個月，到時如果冇一套好睇既接力，都唔知點算!!
話時話，阿姐真係好有型，一個通情達理既媽咪，唔怕再嫁俾阿howard既壓力，遲下有本事同霍景良力博，又要忍受喪夫之痛，次次都咁elegant出場，據悉阿姐為左連戲，點都會安排哂成set衫，仲邊有人咁pro呀 (可能會好煩下)
有幸睇左一次阿姐既concert，太精彩，點解咁大年紀仲可以咁有活力?!真正的timeless、ageless，咩都靚，咩都華麗，但歌藝呢............哈哈哈，不過感受最深係佢唱給自己的情書，本身對隻歌感受唔深，但原來由一個充滿好多人生經歷、高低起趺既人，至可以唱出一番味道，聽到中段太感動.......
佢對情人既關懷、專一、維護，又有邊個可以呢?!當一個女人站在最高處時，可以放下身段咁去愛一個人，大家可能覺得肉麻，但..........要維持一段關係比放棄更難，但佢選擇勇敢去愛!
而且佢自己都經歷過cancer既威脅，無呼天搶地，冇楚楚可憐，一個女人勇敢去面對呢d問題，仲要處理得咁好!!估唔到剛強既形象係由心發出的。
記得有年蛇年既賀年節目，阿姐竟化身為一條青蛇，響度大跳蛇舞，係就係有d....不過勇之餘都好敬佩佢既專業!而且仲有台慶，阿姐於熱咖啡時既風騷蝕骨~嘩嘩嘩嘩嘩，都為好多人帶來唔少回憶
睇返現今日「藝人」(定偽人?!)，又有邊個可以好似佢咁多元化呢?!
抵佢紅咁耐啦，佢唔係一個artist，係一個diva，一個muse
文章定位：
人氣(13) | 回應(0)| 推薦 (
0)| 收藏 (
0)|
轉寄
全站分類:
不分類
