下晝上counseling，同學仔present完，我仲好有心咁同另外兩個人仔諗兩個問題，等個Q&A section問。點知放完break，多左個鬼佬。原來個鬼佬係個consultant黎架!!仲即席俾Losana屈左出黎講一陣theory，由Adler講到自己套新approach(個Q&A就係咁無聲消失左)。說的theory都同subjective world有關。
講到五點幾，同學走剩二十多人，於是就同我地同demo；幾簡單，只係要你諗一個safe place，等client每當要面對、想起令人悲傷的人或事，就可以當自己係個safe place度，等自己可以更ready去面對。
閉上眼，眼前浮現的是經常夢到的地方。只有我一人，在中學時代tuck shop和playground之間的空地。再想下去，發現自己走上那條很久也沒踏足的樓梯，對著那扇玻璃門發呆。門後或許是中三那年的exhibition，又或許是中四那年，甚至可能什麼也不是。(忽然很想看個印象派畫展)
講到六點幾先完，大家忽然發起話帶個consultant周圍行下香港，仲好有planning咁諗晒行邊同係邊度食。見大家咁好興致又咁好玩，梗係同寶寶一齊join啦!!不過最攪笑既係Losana見我地舉手話去，個樣又surprise又開心。
之後十二個學生同個consultant去金紫荊廣場，塔船過尖咀「功德林」食齋，雨中漫步星光大道。香港夜景又真係幾impressive，睇到佢唔多想走；可惜落雨，有點掃興。不過對於佢，落雨都習以為常啦，來自倫敦喎。佢最勁既唔係學歷同搵話題；而係記性，講一次就記得晒人名!!
其實成晚最想問佢既係︰do u feel boring?
而成晚等二驚嚇既係無啦啦收到「關心一線」個電話，話取錄我，仲問我係咪join。心諗，騎虎難下，唔參加都唔得啦!!前排無email，以為唔收，點知...係收唔到。唉，早知就唔報啦!!個training唔抵，個機構又唔鍾意；唔係為左同寶做同一間，真係費事理!!都唔知點解收我，個日心情同狀態極差，仲要confront candidates，我咁既態度都收，個機構都幾得。
至於最驚嚇的，唔想提...但又唔提唔爽!!
世界上點可能有人咁厚臉皮架，仲要唔只一個喎，真係襯到絕!!兩個結婚啦，唔該!!!極品到丫!不過都係其中一個犯到我，另一個，係人仔惹的禍，唔多關我事:p，自己的事自己做呀，寶。至於極品一號，唉，我已經擺明唔想提，寶都同我亂吹，呢個人都唔知咩構造，仲可以係咁問落去，有病好睇醫生；八既就做記者啦!!!不過，佢舊年都係咁，今年唔係先出奇。
文章定位：
