今日神咁早就北上la,一起身就好眼訓,皆因自己琴晚5點幾先訓。首先,同左隻貓去左又一城肯德基食早餐,跟住係沙田換人民幣。一路搭火車一路有一種好奇怪既感覺,愈接近沙田就愈強烈。由火車望出去,係大圍到沙田途中,我都認得好多地方,亦都記起好多往事。到新城市既時候,簡直好似慢鏡重播一樣,係我眼中不斷重現唔同既片段。之後,我地再坐火車去羅湖。
上到深圳都係12點,我地就係羅湖城行左幾個圈,跟住再過東門。今次北上主要目的就係上去買衫,但係我太揀擇,結果只係買左三件,反而隻貓買得多過我。跟住我地去左食海鮮餐,有薑蔥炒蟹、有帶子、再加一人一隻蠔,埋單都係幾十蚊。跟住我地又行番去東門,再進行第二輪掃貨,就係掃碟。我想要0個d戲、劇集全部都係國語版,最後戲只係揀左衰鬼上帝,但係我買左套hunter、又買左套slamdunk,total我買左三百幾蚊碟。我仲想再買星矢ga,不過實在太多隻,再買我破產都唔掂。睇黎要留番下次,再上過去掃先。
番到屋企,就係煲碟時間。當然梗係睇slamdunk,真係笑到肚痛,不愧為我中學時代最中意漫畫之一。做櫻木都幾好,個人夠簡單又夠直,夠抵死。好好睇ar@o@
文章定位：
