尋晚瞓覺好辛苦, 氣管收縮, 再加鼻敏感, 勁多nasal secretion, 嚴重鼻塞, 透唔到氣, 幾乎窒息死~~~~@_______@ 用o左成個鐘去control breathing... 到今朝就因為透唔到氣, 爭扎o左成個鐘, 終於都窒息醒o左...... 哎呀~~~~ 好辛苦ar~~~~~>_______<
今日返church... 真係有笑有淚~ 同弟兄姊妹一齊, 總係好容易打從心底笑出o黎~ 但今日除o左笑, 就係勁喊~ 一來因為鼻敏感, 對眼好容易流眼淚, 二來就係因為今日唔捨得單爺爺o既氣氛好強烈... 一返到去就有團長請食雪糕~~ 呵呵~~~~ 時間o岩o岩好~ 又帶o左條呔俾嘉傑, 係佢去非洲前講好o左o既~ 買完雪糕返到o黎, 就走o左入R2搵單爺爺, 我同佢講, 話我好唔捨得佢, 跟住佢話之後有時間都可以約出o黎"請佢食飯"~~:p 哈哈~ 又問到佢搵工場 & 搬屋d o野...
emmanuel, 見到阿貞返o左o黎... 好開心a~~~~^0^ 要謝謝阿萱~~ 真係唔係你叫的話, 我都叫唔到佢返~! 今日o既主題為"事奉實錄", roy哥哥準備o左一d video, 係單爺爺 & 幾位弟兄姊妹o既事奉情況. 我一路睇單爺爺o個段片, 就一路諗番起似前o既片段... 之後roy哥哥問大家睇完之後有d咩感覺...幸好無問我, 因為o個陣時我已經勁想喊, 但因為眼見手頭上得番一張紙巾... 為免離座攞紙巾咁"揚", 所以就忍住唔喊~~ 點知到roy哥哥講感受時, 佢竟然喊o左出o黎~~~ 嘩~ 呢下我真係再忍唔住, 走o左出去喊...... 之後都無入番去坐, 同勝開企o左o係reception o度. 我根本都喊到收唔到聲~ 因為我已經唔係淨係今日睇完段片先咁唔捨得ga ma... 家下簡直係"一 次過"喊o酉出o黎, 所以點會收得住wor... 停o左一陣, 勝開叫o左我去飲杯水, 舒服d, 點知飲完之後, 我又再喊過~~~! 勝開見到我咁, 就o係o度笑問:
"又唔係以後無得見(單爺爺)~"
"咁我真係好唔捨得ar ma..."
"我走o個陣時又唔見你喊~!"
"咁... 你o個陣時走得無聲無息, 走o左我都唔知~~"
勝開聽完之後就即刻"扮嬲"...... 哈哈~~~^^"
其實o個下真係又d想走入R2同單爺爺講我好唔捨得佢...(雖然已經講過, 但都仲係好想講多次).
晚堂, 黃博士講埋最後一次[傳道書]. 佢講到有個point, 就係我o地要珍惜食物, 珍惜身邊o既人, 有d咩想講, 就要o係"當下"講, 因為唔知幾時, 我o地一去到陰間就唔會再有幾會講... 於是我聽完講道, 同coey & sean交通完之後, 就走o左去同單爺爺講:
"單爺爺... 過去o個五年o黎我都無好好咁珍惜你, 我依家好後悔, 好想補償, 所以...今晚一齊食飯......"
單爺爺聽完之後即刻大笑o左出o黎~~~ 哈哈~~~^_____^ 我又話俾佢知, 我因為已經習慣了每個星期返教會都會見到佢, o黎緊我驚會好唔慣... 又話俾佢知勝開o係emmanuel o度同我講o個番話, 佢聽完就笑說: "你死la~~ 搞到勝開呷醋~!" :p
掔餅, 大家一齊清唱詩歌真係好有feel~ SO GOOD~! ~^.^~
之後就麻煩了amy幫我按摩. 嘩~~ 我尋晚透唔到氣之餘, 仲瞓到扭親條頸, 個頭轉唔到去右邊... 我今日出門已經諗起amy, 諗起"見到佢就好la", 但因為佢返開主日, 所以應該見唔到佢, 點知------佢竟然今晚領詩wor~~~*0* thx god~! 哈哈~~ amy 按到我勁痛~~ 痛我摽o酉眼水, 仲要禁住張枱卸力~~~!! 但amy見到我咁就笑得勁開心law~~ 真係難為佢仲笑得落... 痛死我la~~~@_____@~~~ 我同amy講: "教會有你真好~ 你知ma? 你係好重要ga~^^" amy話: "你都好重要ga~^^"
and then我o地就去o左houston o度食飯, 同阿康share o左個餐. 俾錢o個陣同阿康推讓o左張$20好耐, 結果係由阿康俾埋我o個份, coey話: "嘩~ 乜share係咁好ga~!?!" 哈~ 係wor~ 我都係o岩o岩先知~~~:p
今晚臨瞓前食o左粒chlorpheniramine......
我已經決定o左------會留下來, 唔走. 感謝主.
知情者, 請o係禱告中紀念到此事. 謝謝~!
文章定位：
