(31/1/2004, mon)
尋晚終於都覆到gela電話la~ gela一聽到我把聲就話:"我o地諗住夠48小時就報警ga la~~~~" 呀......對唔住ar......要大家擔心, 我無o野ga, 係我個手提"過o左生"咁解而已...~_____~"" and then開始約時間, 集合地點, 因為佢o地今日o黎我屋企打邊爐, gela順便practise 埋HANP re-exam.
十二點左右cammy & gela o黎到我屋企practise先, elaine仔就率領哥哥 & kay去街市買o野食. 阿雯 & laura遲d到. 嗯...希望今日o既practise幫到gela la...>.< practise到一半, 阿雯 & laura o黎到, 於是一齊入o左我房o度同gela practise. 哈~ laura & cammy掛住玩我部新手提, 結果得番我同阿雯幫gela practise~ 之後elaine仔佢o地買完o野上到o黎, 咁o岩我阿爸去開門, 點知個傻elaine 一見度門開o左就o係o度大叫"恭喜發財!!"(佢以為會係我開門)
哈~~~~ 嚇死我阿爸, 擺到明粒墨魚丸係"運吉"ga law~ 我即刻扮o酉唔識門外o個三個人, 閂埋度門~ :p 大家都笑死o左la~~~~! ^0^ and then我同gela & cammy o係房run埋d手尾, 就一齊出去廳準備打邊爐d o野. 一點幾開始有得食, 嗯...d o野o岩大家食就好la~^________^ 我o地一路食, 一路睇Lord of the ring III, 係阿雯帶o黎借俾我睇o既~ 哎呀~~~我覺得大家真係好好ar~ 之前我講過話想借咩碟, 佢o地都會記得(連我自己都一時記唔起)~ 今日阿雯帶o左Lord of the ring dvds (好似有齊三輯), cammy又有帶新o既金田一vcds俾我睇wor~ 實在太~~~好la~! >.< 阿雯仲要臨走俾o左個大福餅俾我ar~~ 係好耐之前去hku 上lab, 我同阿雯講話我鍾意食呢一類o既餡餅~ 多謝o酉你ar, 阿雯~~~!^.^
睇完三個鐘o既lord of the ring之後, 我o地仲睇埋一隻金田一vcd & love actually. 睇love actually o個陣好warm ar~~~ 我o地開o左張梳化床, 然後六星一齊堆埋o係張梳化床o度睇, 哥哥 & kay就坐o左o係旁邊, 仲要熄埋燈睇~! 哈~ 好好feel之餘, 仲好似一家人咁~ 結果我忍唔住講o左句:"真係話俾人知我o地唔係一家人都無人信~" 哈哈~^.^~ 睇完都差唔多八點, 於是就拿拿聲執o野, 清理現埸. 阿媽話叫我o地唔駛洗d碗, 話等佢o黎洗...其實我尋日同阿媽講好o左話我o地會搞番掂個廳先走ga, 不過阿媽家陣話唔駛...anyway, thx mum alot~! 之後哥哥去中心搭車, 我o地七個行去鑽石山地鐵站, 去到kay搭地鐵走, 我o地六星o係冒險樂園hea o左陣, laura & cammy就同我去旺角買電話套.
哎呀~~~~我o地行o左好耐都買唔到ar~ 其實如果佢o地無同我去, 我可能一早就買o左ga la, 不過佢o地好犀利, 唔知點解可以睇得出人o地d hellokitty電話套唔係正版~ 咁佢o地一同我講話唔係正版, 我就算睇o岩o左都無買到lu~
雖然今晚買唔到, 但我都想快d買個電話套, 我唔想咁快整花o酉部電話ar~~~~>0< 要好好保養ar~
多謝laura & cammy就算玩到好攰, 都仲同我去搵電話套~~~ 辛苦o酉你o地 la~>.<
我買o左條勁閃o既手鏈俾家姐, for 佢今個星期去annual party時戴~
今日知道o左一個中學同學仔開始o係大學o度拍拖~ 哈! 恭喜o酉ar~~~ 俾心機織條頸巾ar~!^.~
頭先睇laura diary, 知佢先幾日男朋友仔又返外國讀書時佢好唔開心, 我呢個做朋友o既都替佢有d唔開心...不過...laura同佢男朋友...唔知點講, 總係覺得......~________~
"年齡"對於我o黎講可以說是唔係問題, 但亦可算是問題. 即係呢, 我唔介意我o既另一半大我十年, 但就好介意我o既另一半細過我law~ 女仔一向早熟, 所以同年紀o既男仔&女仔相比, 男仔o既心智總是比較幼稚, 大家係好難溝通ga law. 所以若然說另一半只是細我一個月, 我係已經接受唔到, 更何況......
不過算la, 感情呢回事, 可以說是"有個譜", 亦可以說是"離o酉譜", 反正kay成日都話我對感情o既theory 太ideal, 現實上係無可能搵到o既, 所以我o既"理論"...哈~ 唔係人人都buy ga law. well, 我buy 咪得law~:p 好似今日睇love actualy時大家講開, 如果第時發現丈夫有外遇會點, 我諗都唔諗就話:"我一定會走." kay就話:"到時你就會唔捨得走ga la." 又有d女仔寧願唔知有第三者o既存在, 知都會扮唔知~~~ 這只是大家o既perspective唔同而已, 我一向都好厭惡"第三者", 自己唔想做, 亦唔希望遇到.
話到尾, 其實大家都唔希望將來大家o既丈夫會有外遇!~.~
文章定位：
