惡料情報 我的生活每一日都係充實的、每一日都係精彩的,發掘同體會身邊的小事,都係一種人生樂趣~~快D睇下我每日發生咩事啦! \"來學我這種態度　遊戲一場 蝴蝶也要努力地翱翔　誰要大家鼓掌 能活得開開心心　也被景仰\"

2,702愛的鼓勵 0訂閱站台

早上8點食過早餐之後，就出發去蘭溪了。

由南京到蘭溪路程很遠的，因為南京在江蘇省，蘭溪就在浙江省金華市，距離杭州仲要差不多兩個小時。（我就在車上打早兩日的日記了！）

5個小時的車程，由江蘇的南京坐車到浙江的蘭溪。

中途有落車休息，但午飯都未食就直接到咗諸葛八卦村。呢條村雖在國道330旁邊，司機用衞星導航都停車搵咗幾次，製片又打電話幾次到村內聯系先搵到呢條村。　

顧名思意，呢條村真係起到成個八卦形，好特別！連包圍著它的山勢都係天然的八卦形。

相信好多香港包括我都唔太清楚呢個地方喺邊，或者未聽過呢個景點，呢度係諸葛亮的後人建立的村落，有700多年歷史，而家主要遊客來自江浙滬。不過呢個村收$80入場費都是值得，因為佢的文物都是傳統的一種，没有太多地方被修飾過，建築都是舊舊的，原汁原味一點，而且最特別就係呢條村到今時今日百分之八十都係姓諸葛。

村的代表帶我地喺村周圍遊覽，睇吓有咩可以拍，又一邊講解。天氣好熱好熱，我不停流汗．．．但見到環境好靚，又唔理得咁多，一邊影相，一邊寫低有咩特色。

差不多兩個小時過去，我地一行四人，仲未食午飯，但時間已經五點了．．．（肚餓到不覺得餓！），還要先去村內接待遊客的度假村看看，訂好房間等下星期拍攝時住。

終於離開八卦村了，再坐多半個小時車程到蘭溪市搵今晚住的酒店，我好似都係第一次去到縣級市，呢度明顯比大城市比下去，但勝在消費比較平，酒店想搵一間好一啲都有啲難，第一間我建議話去睇睇的酒店，原來係一間有睡房的KTV,哈哈！導演話：唔怪之得佢門口張招聘，會請人工2500-3500「寶麗金小姐」！笑死！唔通要識唱晒寶麗金啲歌先得？

搞好酒店的房間，我地即刻醫肚，就在酒店𥚃面食飯。

返房間沖個涼，去除臭味，之後我就同導演去咗足浴，舒服一下！

蘭溪的水立坊，無大堂服務，直接入房。

仲同服務員傾計，原來佢地人工低薪2500，工作24小時on duty，每月有兩次半天假，多勞多得，每一個足浴客人可分到18蚊，真係辛苦錢！

當我地聽完諗住打賞比佢地，點知．．．60蚊，足90分鐘，謝絕小費！而且佢都差唔多按足我全身！

按完就返酒店，睇稿執稿。