惡料情報 我的生活每一日都係充實的、每一日都係精彩的,發掘同體會身邊的小事,都係一種人生樂趣~~快D睇下我每日發生咩事啦! \"來學我這種態度　遊戲一場 蝴蝶也要努力地翱翔　誰要大家鼓掌 能活得開開心心　也被景仰\"

2,702愛的鼓勵 0訂閱站台

每次拍外景我都好開心～好似去郊遊咁～



今日就更加有呢種感覺，因為第一站係．．．牛潭尾拍錦鯉．

我唔係住北區，呢個名之前都未聽過～而因為某個原因，呢個拍攝地點之前係無去survey，只係睇過相，睇相都知地方大，但唔知係大成咁．．．我一共問咗兩次：”你啲錦鯉會唔會賣？”，對方亦都答我：”養錦鯉都係我興趣！”

佢呢個地方地方好大，但唔係用嚟自住，只係仲嚟放自己最愛的三樣興趣，第一就係錦鯉啦，其他兩樣就係松樹同埋古木．千奇百趣香港地都可以去拍的Item，可惜當時同事們已經拍晒，有機會我會介紹俾大家識．

講返錦鯉，佢啲錦鯉大條到，所有人都O咀！！條個肚可以放得落個BB！！不過影相影出嚟無野比較大細，唔覺咁大，而我用肉眼估計放喺室內池部份的魚條條都超過一米長，魚身圓周直徑都有30cm，好似呢位專家所言：有世界先生ge體型，世界小姐ge美貌．

拍攝完之後，仲送我地每人一件會Tee，仲同我地講件tee的質地好好，入面係纖維出面係棉，好透汗．

見佢咁有硏究，我問：你做製衣？

佢：我做布ge．

同科！我諗佢亦都係已經上岸的人士，亦都好識得享受人生．

拍完呢度”上半場”，轉一轉去”上水有魚場，廣州有門市”的錦鯉場．魚場的老闆太太同老闆都好好人，除咗好配合拍攝之外，都好搞笑，我地講笑叫宋芝齡做Chi Ling Baby，老闆都叫埋一份，哈哈～

拍完去食飯，上次同導演Survey時喺大埔呢間茶餐廳食，又平又多，仲要係米通粉！

第一次見茶餐廳常餐有米通粉！仲要好多肉丁！可惜今日米通粉賣晒．．．

食飽又繼續拍．

Facebook呢個媒介真偉大，想不到我呢個唔用facebook的人，就喺facebook上搵到一個養好多不同種類寵物的人～哈哈～成為我拍攝的對象～

我係搵呢位人兄拍刺蝟的～事實上，好多人都因為怕出鏡而唔想拍，但其實呢種寵物飼養的話係無事的！

他的家所養的寵物又係可以令人嘩！x10！！！

雖然之前都知佢養好多好多唔同動物，但無諗到會係咁多，只係龜都有十幾款，而唔係十幾隻喎！眼見的有狗、貓、蛇、守宮、龜、魚、刺蝟，我所知仲有葵鼠、龍貓、小蜜（飛鼠）、熊仔鼠、獅子兔、紅泰加、蛙、白老鼠（某啲動物的食物）．．．

多得很呢～而佢家住的地方好隔”Zip”的，地方也不大，似動物園多啲～所以我地好大部份拍攝都轉咗去附近的公園．

刺蝟好可愛，我都忍唔住將刺蝟放上手，佢好怕羞，但係佢好拮手！

我地的主持都全程攞住佢，佢就爬來爬去～叫我養就唔好啦，玩吓都ok的～

 

P.S.>>>>

晚上去眼Kinki一年一度的演出，我都係比較鍾意”女人”haha～