今次真係有D連環不幸的感覺．原先諗住今次的行程會有七八人，結果都係得返五人出發，最後完成晒成個行程的只有三個，真係有點掃興．
等左咁耐終於都可以出發了～但係出發前的凌晨三點收到烏龍Kinki的電話，呢個時候先發現回鄉證過期．．．真係O了咀～～好在我地係先去澳門後去珠海，都不至於浪費左張船飛～約好Kinki，Kaden同埋阿Him齊齊出發，但係大家都無所謂同埋唔想Kinki咁快走，我都唔想佢浪費左個假期，仲有今次又係Kinki第一次來澳門，所以一致決定原本係珠海過夜的行程改了，我地係澳門留一晚．其實有時真係人夾人緣，雖然我識左阿Him同Kaden唔算好耐，而Kinki同佢地兩個又唔係見過好多次，但就係好玩得埋～發現四個都係傻的，咩都可以笑餐飽～～一上船我地就開始玩，我諗阿Him都係第一次係船上行cat walk了～呵呵
一去到，Gary同Vivian就來接我地了．今次真係非常多謝佢地（其實次次我都好多謝你～），我都知Gary好忙了，但都盡量抽時間出來陪我地，絶對收到晒你地的心意～～仲有你地的兩個澳門朋友阿紫同Debbie，陪我地去周圍食，帶我地到處食好味的野食～但係因為我地決定係澳門留多一晚，就辛苦同麻煩了Gary要來回拱北，幫我地去攪酒店的事，下次我一定請你食返葡撻，要幾多個出聲就得啦！！！
都唔知點解，如果係香港，我地未必會去行入去睇野，明明係香港都有呢間連鎖度～～但係澳門，我，Kinki，Him同埋Kaden都有收獲，我就少D，但都買左一樣～
今次仲有一件事發生了，就係我無帶遮呀～所以落起雨來，我地都幾狼狽．．．三把遮八個人用．不過我地都去了必去的大三巴同埋買左必買的手信．但我取想食的紅豆餅仲未係時候有得食，Gary的朋友話要過左中秋先會開檔賣，唉～只係差一日先到中秋呀！
到左晚飯時間，Gary同另一個朋友阿倫，又要去碼頭接剛剛放工來的家欣，而我地個個時候，又發生了一件尷尬的事，我真係唔知佢地電話上的溝通出了什麼錯，我地係一邊等緊你地ga．．．
第一晚，阿倫就借左佢間吉屋出來比我地放行李，我地四個就同阿倫Debbie去飲野～而家欣就同Gary，Vivian返珠海，我地明日再匯合．一行六人去左覯音像個頭，自從上次Kinki生日玩過之後，我諗大家都想再玩了～今晚過埋十二點就係中秋，真係Good Time～全晚的精彩部份都係789 ture or dare，玩到呢～大家傻了，不論係ture或者dare，原來我對Kinki都仲未係好了解，過左呢一晚，哈哈～知得更多秘密～～而Kaden同阿Him，都係咁話啦，都令我呆了！！我地同阿倫同Debbie過左呢一晚，變得fd左～～
玩左幾個鐘，我地打算走之際，就因為阿Him的返轉頭去toilet，我地的part 2 就開始了～～遇到兩個同鄉香港人，呢一男一女一路坐係我地隔離枱，睇住我地玩的，佢地開左支芝華士飲唔晒，請我地一齊飲，我地就佢地一齊玩返之前的game分隊玩，哈～～直到人地關門先走～
當大家都玩到盡興時，意外通常都係呢D時候發生，原來個晚係掛左一號風球，但因為澳門係島同埋我地個時又近海，所以風好大，吹到我差D企唔到，而且地下又濕又滑，Kaden就係度滑來滑去，仲要帶埋Kinki去滑，結果係我睇住阿倫無為意佢地時，Kinki就跌左落地，好彩有阿Him，唔係就不得了～～但係Kinki就整親條腰，返返屋之後，我就係咁同Kinki按摩，真係擔心死我了，見到佢痛得好緊要，我真係唔想瞓．我同Kinki而家唔單只fd，仲有埋肌膚之親，幫佢按摩埋pat pat ～我地的感情更進一步～第二日早上，本來Kinki好了一點點，但又想嘔嘔唔出，每次呢D情況，我都係做照顧人的那個．．．Kaden都好內疚，我都好明白的，整到自己還好，整到朋友個心都唔會好過．．．最後Kaden就做左一個負責任的男仔，送左Kinki返香港～～
下午我就同阿Him過去拱北關口，呢次係我第一次係無Gary帶住的情況下過去，而阿Him都係未試過係澳門過拱北關．．．除左過關，我都係第一次去酒店Check in，傻傻地咩都唔知～但最後都攪掂好，放好行李．
Gary佢地一來到，唉～我都預左氣氛一定怪怪，但更有一D係我無預計到的．．．．．．
原本Gary計劃好的行程去唔到，我地就決定去打保鈴，攪笑的～Gary竟然問返我轉頭，問我係邊度有得打，只因我係第一次上珠海探佢地時，去了打保鈴，但我就係對我自己去過的地方，就會好有印象，比記人樣仲要好～
打的去個個地方的同時，一邊又聽到好多．．．．．．
特登坐車去到，竟然．．．比人包左場，灰晒，結果我地去左吉大區行，個度間超市“又一家”，D飲品真係勁平！！仲要平過萬佳同民潤添！！呢個時候 Gary就返去同學校的大人物食飯，我地幾個之後去左食東北菜～那間“東北人”真係好味道，上次都食過了～今次都咁正，而且我地食完之後見到係街度勁多人等添～之後就去左Gary佢地而家的“full house”度睇下咩環境，真厲害～個客廳放左八張電腦枱，放左八部電腦仲有八張碌碌櫈，十足網吧咁．
我地決定係度等埋Gary返來，我太攰就瞓住等，一瞓原來就三個鐘了．Gary返到來已經十一二點了．我好喜Gary同Vivian送比我的Harley Davidson背心哦～～而且仲剛剛好稱身，Good fit呀！！至於阿Him好似有D灰．．．^_^
齊齊食宵夜，又齊齊玩，玩到兩點幾，返酒店去了～～
最後一日，因為Gary同Vivian，仲有佢地的朋友仔要上堂，所以我地就可以瞓晏D，真係好呀！！之後就去了飲茶，再之後，我就同家欣阿Him係拱北自由行，行書城，行超市，買野飲，買家品～我的兩支牙刷最實用．買完真係重得很！！好在阿Him大大力，幫我地攞野～～再返返去“full house”，收拾好行李，一行十人，就去了Gary都未去過的“得月舫”，個度係食海鮮的地方，好出名的！都係當地的高級食府．個度就好似香港以前的“敦煌華舫”即係而家的“明星海鮮舫”．個度真係幾靚，係大陸都幾少見咁燈火通明．．．我同Gary阿Him出左去睇下叫咩食，除左海鮮，比我地見到一樣特別的東西，點解會用東西去形容佢呢？原因係，佢係一個蜂蛹，裡面的蜜蜂同蜜蜂BB，仲有未出世的蜜蜂，都係活生生咁係個蜂蛹入面，亦即係話，佢地係會郁的！！我真係非常好奇～～我係第一個話：“不如試下囉～”，但就同Gary講，唔好同佢地講我地order左呢樣野，因為佢地全都係女仔～當碟椒鹽蜂蛹上枱時，大家都好奇怪，唔知呢碟係咩來，我自己都唔知自己咁大膽，食第一件就係成晒形的蜜蜂～～之後係我地三個的推使下，全部人都有食～～真係比想像中好食，而且仲會養顏添～呵呵～～
食完呢一餐，我地再去珠海的Jusco行，再之後我就同家欣阿Him坐返車，去返拱北過澳門坐船回港了～～我同家欣都係一袋去兩袋返，thx阿Him，幫我地攞左最重的包包攰死佢了～一上到船大家都瞓了～～
差不多完左三日三夜，返到香港係晚上十二點幾了， 238X都無晒車，大一齊落返去旺角先散，我就要坐Van返荃灣，Oh～～係度又要再一次thx阿 Him～～
三日的旅程好快就完結了～雖然有很多美中不足，但難得有假期可以上去探下Gary～Vivian～仲有佢地的朋友們，都唔理咁多了～多謝你地係呢三日的安排，我地的來臨，為你地增加更多忙碌，辛苦晒了～～
P.S.>>>>
呢次的旅程發現，新渡輪係比Turbo Jet好坐，定好多～而且位亦好坐．
文章定位：
