新聞| | PChome| 登入
2004-04-13 00:17:38| 人氣58| 回應0 | 上一篇 | 下一篇

珠海之旅３

推薦 0 收藏 0 轉貼0 訂閱站台


第三日
我地又係係酒店門口集合，一齊去完萬佳的超級市場後，隨即就去澳門了，因為Gary有唔少朋友都係澳門人，所以由佢地帶我地去行，就最好不過了．
去到澳門我地先後去食左唔少野，不過我唔記得個D鋪頭的名．．．
我食過魷魚魚蛋片撈河，又幾好wor，之後我地去左大三巴個頭，又食左旅遊書都有介紹的紅豆餅，熱辣辣，好美味～～跟住我地去左打機，為左等D鋪頭開門，再去食過．．．
之後我又再去食豬扖包，不過只係食左Vivian少少，因為我食唔晒成個．．．

而本來我地四個人諗住今日係澳門走的，Gary的朋友都特登同我地去碼頭睇過，不論任何時間的普通位都無晒，只係得返豪華位，要成＄２６０張，貴左成一百蚊，我又唔係趕住返去，當然唔買啦～～結果我決定去Vivian的宿舍住多一晚先返香港，而佢地三個就先走．．． 之後竟然係澳門呢一個地方，撞到以前同我地補習的K.W.Cheung,我地仲好興奮咁同佢影相添．

好彩有Gary幫我攞住個旅行袋，又有他的朋友仔幫我攞住D手信，如果唔係，我一定攞到成隻咁．．．thx thx

佢地三個走左之後，我就繼續去食野，又行下澳門的年青人天地“信達城”，個度好似銅鑼灣的金伯利，都幾好野睇～～
係天黑之前，我地就返返去珠海了，返返去宿舍，放返低D行李，再出去食飯，去佢地平時食飯的地方食野，真係又平又好食，不過可能Gary佢地成日食，都唔會有咩特別感覺了．．．食完野我地就返返去宿舍，我同ka yen就係度睇<20 30 40>，我終於知道邊一個係Stephen成日講的楊淇了，不過．．．睇完套戲，我就同Vivian ，ka yen pillow talk左一陣，咩都有講D，但ka yen就最快瞓左，之後我同Vivian都瞓了．．．

第四日
今朝一早６點幾，我就起左身，本來打算同埋Vivian一齊去升祺的，不過因為我件衫未乾，所以唔可以同佢地一齊去，等Vivian升完祺返來，我地就快快起行，要係８：００前到碼頭走了．

由本來的三日兩夜變左四日三夜，真係無諗過．．．
Gary 同Vivian幾日都好似旅行大使咁，又非常照顧我，好多謝佢地～～
而佢地的朋友仔有風度，朋友女又friendly，今次真係不枉此行～～





我要檢舉
台長： 幸福小惡女

您可能對以下文章有興趣

人氣(58) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文