新聞| | PChome| 登入
2004-04-13 00:04:06| 人氣57| 回應0 | 上一篇 | 下一篇

珠海之旅２

推薦 0 收藏 0 轉貼0 訂閱站台


第二日
我地９：３０約好係酒店樓下等，Gary就帶我去“五月花”個度食，之前我都係香港電視見過“五月花”賣過廣告，D點心好似鴻星、金龍船咁，整到好靚，去到試過佢地的點心，真係好有水準，特別係個穌皮豆腐花，好正，不過由於我尋日無點瞓過，消化唔到，所以即時嘔返晒出來．．．食左等餘無食過．．．．．．

去完“五月花”大家食飽飽（除左我），我地一行十幾人，就一齊去左隔離的室內卡丁場玩卡丁車（即小型賽車），我地一次過買１０次，送左個頭盔比我地，而因為得我一個女仔玩，所以個頭盔就比左我用，而我，Gary，Stephen，阿豬，阿聰，玩第一轉先，因為我地個個都未玩過個度的線道，第一次當係熟習一下，Gary的其他朋友仔就等我地玩左第一次之後先再玩．玩第一次的時候，因為唔係好知架車點，所以一出車就有小撞，不過愈揸愈順，但就有唔少甩尾，第一轉都算係咁，Gary手車唔錯唔錯．到左第二轉的時候，得我，Gary ，阿豬，阿其同埋小阮子玩，呢一次，就比第一次好好多了，無一個圈甩尾，平均時速我係最快的一個，haha證明女仔都可以有一手好車的，賽車真係好好玩的．

之後，阿其就帶阿豬同阿聰去打保鈴，我就同Gary ，Vivian，ka yen，阿Tra ，Kelie去行下街先，我地行下萬佳百貨下面的地下書城，我就當然買幾米的書啦～而係Vivian的介紹之下，我另外買多兩本書睇，相信都會幾好睇的．
行完，我地就去返鈴場join返佢地，全部人一齊玩，個場有D似荃灣個個，不過就比個度仲要平，只係＄５一局．（不幸的我，係打得最好的一局整斷左隻指甲．．．好彩無流血！）
玩完之後，我地就去左Gary同Vivian的宿舍睇下，睇下佢地的生活環境如何如何．個度好大，仲有一個好大的體育館．
而呢一晚，我地就去左珠海的灣仔食海鮮，個度比西貢仲要熱鬧，成條街都有好多海鮮賣，我地就係個度買左好多海鮮，然後就攞入去餐廳比人煮，正正！！個一餐真係好滿足～～食飽後，我地就返酒店休息啦～今日消耗左咁多體力，終於可以好好的瞓一下．．．



我要檢舉
台長： 幸福小惡女

您可能對以下文章有興趣

人氣(57) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文