11月8號係我同阿b分手既一日，直到今日，差唔多一個月啦~
我再痛再喊，都唔係今日最痛，但我仍然會喊…
我好多謝所有關心我，疼錫我既朋友，我要好好多謝你地，無你地既陪伴，無你地既開解，無你地幫我分析，我會頂唔住咁崩潰左啦已經。
Fion，好多謝你，識左你差唔多十年啦，由以前既少女心事，到依家真係各有各既愛情、事業煩惱，大家都真係大個左好多好多，但我地仲未大透，我地仲會天真，我地仲願意信人，不過我寧願我仲天真，我仲單純，我都唔想自己乜都睇到好化、好灰，畢竟我只係21歲。
仲有好多人，led師姐婷婷、candy、家愉、佩琦；中學姊妹明珠、阿容；女仔fd 阿tube；男仔朋友：華dee、小強、penny、阿ming、woody……
仲有好多人好多人，大家都好錫我，當我小妹妹咁，其實我好感動架，我冇左一個男朋友，但換來大家對我咁關心，我唔怕畀你地知識我喊我好痛，因為我真係好傷，我傷到唔想扮成熟，如果可以，我真係會上堂勁喊…
「經一事長一智」好多人都咁同我，依個道理唔個唔知喎，但要做到又真係好難下。愛情，係個好難玩既遊戲，一個男仔表現到好愛我，做好多野，然後我又愈黎愈愛佢，有一日，可以突然乜都唔同哂，可以乜都變哂，朋友話：「佢唔愛你喇」，我仲好傻咁仲畀佢呃到，佢話乜野老婆豬0個時，我仲信佢真係為左我將來有幸福，我蠢係因為我真係愛，我甘心為佢蠢，我甘心為佢麻木……一個人好努力，根本就冇用既，人一定會變。
我好驚啦已經，我冇勇氣再去馬啦，我憑乜野再敢信一個人呀？
個個人都同我講前度係個幾賤既玩家，我唔信，係因為佢曾經對我好好，令我入哂心，我盲哂，我聾埋，我連佢分手時講幾咁難聽既說話，我都可以呃自己當聽唔到，幫佢畀好哂籍口，覺得佢嬉皮笑臉係因為佢尷尬，我聽唔到佢傷害我既說話，係因為我只係聽到佢把聲，我仲只係記得佢點樣用把老牛聲氹過我…
一個自認好壞0既男仔fd woody聽到我同前度分手0既事，佢竟然嬲到爆哂粗咁小佢
激動到好本能咁話想打我前度一身~~~佢真係嬲到好似想殺左我前度咁~~
我呆左……
我更加冇想過過左成個月我仲會痛，仲會為佢流眼淚。
或者係我一直只係記住前度對我好0既野，我自己呃自己，我信前度真係為我好，都唔寧願信個男仔咁講：「佢追你當係一個好高難度0既遊戲，佢TVB藝員訓練班出身架，依家佢嬴左你個心啦，咪走囉，佢依家同緊第二條女一齊啦實，你仲以為係自己錯，你已經對佢好好架啦」
0個個男仔講，前度唔要我0個時所講、所做0既野，真係賤到佢都做唔出，真係絕到唔可以再絕，佢睇死我走唔甩，佢話我冇錯，聽到佢咁講，我忍唔住喊…
我一直都以為係自己錯……因為前度走，好似佢好痛苦咁，人地唔知，仲以為我虐待佢咁……
坦白講，我已經能夠控制到自己完全唔去搵阿b，我乜都冇啦，我仲要留少少自尊架！但我仲有時會諗起佢既……
woody，好多謝你！你的確話醒左我，你咁惡死都可以陪我咁耐，咁細心聽我喊，一講到阿b你就激動咁爆哂粗，想打佢咁，我好感動架！你同我講既說話，我會記住架啦，我會好好保護自己，好多謝0係我喊0個時，你0個句「有我一日0係度，我都唔會畀人蝦你」。
將來我有乜事，我都會同你傾傾先，你話我太善良，太單純，好蠢，我唔夠人玩，玩得又唔夠人叻，都唔緊要，因為你會教我，你對我好似對個阿妹咁，我好感激。
係呀，各位好友，我聖誕冇乜節目呀，約我啦~~
文章定位：
人氣(16) | 回應(0)| 推薦 (
0)| 收藏 (
0)|
轉寄
全站分類:
不分類
