今日去左三星灣玩，呢度人比較少，係個幾好既海灘選擇，不過我地人太少，只係落下水玩下浮床，同埋係浮台玩下跳水，冇得玩集體遊戲。但夜晚係西貢食左個芝麻糊溝豆腐花同豬頸肉雞油飯，味道認真唔錯。
期間有班應該係大學生既成大班人係度玩(估計係ust，因為近西貢)，應該玩緊類似ocamp既野。初時無理佢地，點知突然聽到佢地起哄，仲大聲到成個海灘都聽到，於是所有人都望左過去睇下發生咩事，原來有個男生俾人除左條褲出黎，成個要害俾人睇到晒。簡直離晒大譜!!佢地個班人有女仔係度已經不在話下，仲要俾晒成個海灘既人睇到，令人為之側目，玩都無可能玩呢d野啦。跟住又有要d女生捐男仔褲浪底，意識好不良。如果要玩既，都唔應該係公眾場所啦。之後到黃昏要走時，佢地仲要留低左極大量既垃圾係度，全無公德心可言，連d係海灘既人都忍唔住大罵佢地：「咩大學生黎架!」真係鬧得非常之好。如果確定左係邊間大學，一定要打去投訴。唔通而家d大學生真係俾人睇死，係越黎越無文化既？
文章定位：
人氣(39) | 回應(0)| 推薦 (
0)| 收藏 (
0)|
轉寄
全站分類:
不分類
