wonderland Different aspects of an individual’s social indentity will be performed in different specific social contexts.

33愛的鼓勵 0訂閱站台

尋日打風, 去唔到長沙灣交grant/loanD野, 所以今日一早就要去長沙灣交番, 嘩, 果然不出我所料, 超多人呀, 排晒長龍咁, 我拎左個籌係A0266, 但係...但係Ao個個catagory當時只係嗌到一百五十幾咋, 唉...於是就係咁足足等左個幾兩個鐘!!!最賤就係grant/loan o個度中午十二點正就收工, 成棚人被迫離開, 唉, 真慘~~ 之後o係深水埔行左一陣街, 買左D good show禮物, 深水埔o既野真係好抵~!下一站係尖沙咀通利琴行拎陣間APA上堂o既飛, 再返hall放低D good show禮物先出發去APA上堂。 上完堂返屋企食飯, 同哥哥隔住個電話一齊睇<<隔世追兇>>, wow, 好勁呀, 集<<大隻佬>>, <<無間道>>, <<暗戰2>>之大成, 比想像中好睇。 由九龍灣買碗仔翅同腸粉返hall比c1740 o個兩位看更食, 哈哈, 又睇多一次<<隔世追兇>>~~ 今日同哥哥傾左好多偈仔呀, 哥哥好似真係好煩惱咁, 唔好咁啦, 你已經好叻架喇!!! Today's Highlight: 今日4.30pm o係APA上葉遜謙o既stage directing, 今堂主要教scheduling, 唔, 學到好多野, 期待下堂~~ 「執借(偷)租買做」 哈哈, 唔知邊個無資格同邊個講野呢???哈哈, 聽曰同哥哥行街街, yeah~~