請見諒, 我又用口語寫文!
http://singmo2.blogspot.com/2008/02/blog-post_04.html
請大家花80秒讀一讀呢篇文!
大意係講:
“透 過 本 文 ， 希 望 令 大 家 知 道 在 供 樓 支 出 中 ， 利 息 是 如 租 金 般 花 費 掉 ，
很 多 人 以 為 租 金 是 支 出 ， 供 樓 不 是 ， 在 財 務 上 是 一 個 不 小 的 錯 誤 。
當 然 ， 數 字 歸 數 字 ， 搬 屋 的 花 費 及 時 間 是 無 法 計 算 的 。”
我諗好多人有個概念, 包括我娘親。
層樓買o左就係自己o既, 反正係自己住, 買貴o左唔緊要啦!
而睇一層樓有幾貴o既時候, 主要係睇o個一區有咩樓貴過我買o個層,
同埋我一個月要供幾多錢。
我唔係一個買樓專家, 但正正我唔係專家, 所以我覺得有好多o野唔make sense!
唔make sense 之一: 我買o左層樓
首先, 買樓o黎講, 有無人諗過買完層樓, 其實層樓唔係自己o既呢?
無錯, 層樓係你個名, 但你試o下半年唔供樓, 層樓仲係咪你個名?
咁即係你係叫銀行幫你買層樓, 之後你再還錢俾佢, 但你就可以o向入面住住先!
唔make sense 之二: 買樓平過租樓
睇上面篇文, 大家都知道, 供樓唔代表:
”層樓幾錢就係俾幾錢無其他支出, 而租樓就淨係得支出無賺.”
由於我唔係專家, 篇文條數我唔係好識計, 睇完都好似唔係好明咁.
但我知道買樓係要保養, 買新樓好少少, 如果係一個誠實o既地產商,
起o既時候無病無痛, 應該直到十幾廿年後至要維修。
大屋苑可能一戶夾幾萬蚊已經得喇。
但唔好彩上o黎, 如果起完幾年已經有問題,
又或者淨係你間屋出事,
又或者到維修o既時候屋苑o既業主唔多,
隨時駛你十萬八萬都叫執身彩.
仲未計如果你買二手樓, 無啦啦俾政府告你原來一早個樓宇設計有問題要改建呀,
又或者你買完無幾耐全個屋苑大維修一戶要夾十萬蚊呢d 情況。
租樓, 無論出d 咩事, 甚至只係呢兩年空氣呢區差o左, 我拍o下屁股就走, 理得你!
仲有一樣o野未計, 就係你買樓o既本金係一個投資o既成本,
我當你乖乖地唔亂炒, 只係買跟恆指上落o既盈富基金,
同買樓一樣供廿年咁計,
87年恆指大約四千點, 07年大約二萬四千點, 當中升o左二萬點.
(未計87年低位時約千八點, 07高位約三萬幾點)
假設當年有盈富基金, 即係由4蚊升上24蚊, 當中未計佢耐唔耐同你派o下息!
你可能會話, 供樓同供盈富點同, 買樓都會升值,
無錯係, 87年樓價而家同07比大約係升o左1倍多d,
咁您話恆指升得多定樓價升得多?
而且買磚頭套現難, 入場費貴, 亦都多限制,
就當我炒股票同炒樓一齊玩, 您估股票止蝕易定買樓止蝕易?
唔好同我講買樓蝕o左可以住, 咁即係你唔係大炒家,
當你住緊層樓蝕緊仲要供, 但其實而家同樣o既樓可以買平四五十萬,
你就變o左一直都無得止蝕, 心理o既痛苦同埋金錢o既損失,
一定比你炒股票大, 再加上我唔係叫你買樓d 錢用o黎炒,
我係話拎去長線投資, 年期同你供樓o既一樣,
我諗點蠢點保守o既人, 買債券, 做定期, 買保本基金,
至多都只會賺得少, 而唔會蝕
買樓o既息口加上可以錢生錢o既成本, 我睇唔到點解買會平過租,
如果你只係計息口平o既日子, 一個月租金同一個月供樓o既錢,
你咁堅持o既話, 相信都係為o左層樓三十年來困死一世o既人!
唔make sense 之三: 買樓係投資, 買樓當儲錢
其實都唔錯得哂, 因為有d 情況係會成立o既,
就係:
樓價會一直向上, 買o個層樓唔係自住, 層樓唔駛點供, 同埋最好係豪宅,
最重要一點係, 您買o既樓係o向一個類似香港, 會炒樓o既地方。
樓價會一直向上-
就係假設層樓雖然價格會浮動, 但唔會跑輸通脹o既,
呢樣o野o向香港唔難做到, 因為香港地少人多,
只不過有時都會例外, 例如我小學時, 第一城細單位賣緊一百萬,
但前兩年其實都仲係一百萬左右, 當然中間經歷過炒風,
不過十幾年後o既一百萬同以前o既一百萬已經唔同o左, 加上層樓都舊o左,
唔同其他投資, 好似買舊金係唔會殘o架嘛!
而且金價會隨住通脹而升, 基本上就算唔賺都好少會輸。
層樓唔係自住-
層樓自住o既話, 升幾多關你咩事?
至多都係您買平o左o者, 唔通你見佢升就賣?
賣o左你住邊? 買返其他樓? 唔通淨係你層樓升其他樓無升?
層樓唔駛點供-
如果要供廿幾三十年, 上一段已經講過了! 賺到錢嗎?
豪宅同o向香港至真係可以炒, 炒得起樓o既都唔係窮人, 而富豪又點會買細單位炒?
只不過香港雖然有錢, 但你身邊有幾多人係買得起最少千幾萬o既豪宅呢?
當然我明白買樓亦有好處, 我唔係話買樓唔好, 亦都唔會話以後唔買樓,
而係無錢唔好買樓, 即係, 要按九成分三十年供o個d,
如果你可以按五成供五年, 我覺得梗係買得過啦!
始終中國人o既觀念係要有個自己o既地方d 人至覺得係"家",
而且我後生搬屋企無所謂, 好多上o左年紀o既, 如果咁唔好彩次次租屋都唔續租,
其實三四年搬一次屋都幾煩o架!
簡單o黎講, 你想買部電話都會睇價錢啦,
唔通你話自用買貴o左無所謂? 唔夠錢咪買部平囉,
再無錢o既話, 買唔起都無計o架啦, 鬼叫你窮咩!
暫時講住咁多先, 大家如果有反對, 覺得我講o既係我唔make sense, 可以留言!
